Skip to content

Skip to table of contents

 KONA-BA INFORMASAUN IHA OIN

Maromak sente oinsá se ema halo funu?

Maromak sente oinsá se ema halo funu?

Tuir Ita-Boot nia hanoin, Maromak sente oinsá se ema halo funu? Ema balu hanoin katak Maromak apoia ema atu halo funu, tanba sira lee istória husi Bíblia neʼebé konta katak iha tempu uluk Maromak haruka ninia atan fiar-naʼin balu atu halo funu. Ema balu fali hanoin Maromak la apoia tan ema atu halo funu tanba Ninia Oan-Mane Jesus hanorin ninia eskolante sira atu hadomi nafatin sira-nia inimigu. (Mateus 5:43, 44) Tan neʼe ema barak dehan Maromak troka ona ninia hanoin, uluk nia apoia ema atu halo funu maibé agora lae.

Tuir Ita-Boot nia hanoin, Maromak apoia ema atu halo funu ka lae? Se Nia apoia duni, oras neʼe iha mundu tomak iha funu barak, entaun Maromak apoia loos ida-neʼebé? Ita tenke hanoin didiʼak pergunta rua neʼe, tanba neʼe sei ajuda Ita atu haloos Ita-nia hanoin. Porezemplu, se karik iha funu ida, Maromak mós apoia ema neʼebé Ita apoia, neʼe sei halo Ita sente kontente no fiar-metin katak ema neʼebé Ita apoia sei manán duni. Maibé oinsá se Maromak la apoia ema neʼebé Ita apoia? Karik Ita presiza hadiʼa Ita-nia hanoin neʼebé laloos.

Liután neʼe, se ita hakarak hatene ho loloos Maromak nia hanoin, ita presiza buka-hatene saida mak Maromak sente bainhira haree ema halo funu. Karik Ita-Boot haree ona funu no hatene katak funu haterus ona ema rihun ba rihun. Karik Ita mós rona ona ema dehan: “Maromak la hanoin ema neʼebé moris iha terus laran. Maromak apoia ema atu halo funu no sempre fó kastigu ba ema.” Maibé neʼe hotu mak loos ka lae?

Lae, tanba Bíblia hanorin katak Maromak la hanesan neʼe. Horiuluk kedas toʼo ohin loron, Maromak la troka ninia hanoin. Mai ita haree toʼok iha Bíblia laran, saida mak Maromak sente bainhira haree ema halo funu iha tempu antigu no iha Jesus nia tempu. Tanba neʼe sei ajuda ita atu hatene loloos saida mak Maromak sente bainhira ema halo funu ohin loron, no ita mós sei aprende katak iha aban-bainrua funu sei la iha tan.