Skip to content

Skip to table of contents

“Vídeo neʼe kapás tebes!”

“Vídeo neʼe kapás tebes!”

PROFESORA ida husi eskola sekundária iha rai-Koreia Súl naran Soo-jeong uza ona vídeo sira husi sítiu www.jw.org hodi hanorin iha ninia klase. Nia dehan: “Haʼu hakfodak ho estudante sira-nia reasaun ba vídeo Belun neʼebé loos mak hanesan saida?, tanba depois sira haree tiha vídeo neʼe, sira ho kontente dehan: ‘Haʼu nunka hanoin hanesan neʼe kona-ba haʼu-nia belun sira. Vídeo neʼe kapás tebes!’ Balu tan dehan katak sira sei vizita sítiu neʼe iha tempu naran deʼit bainhira sira presiza konsellu.” Soo-jeong hatutan: “Haʼu mós fó-hatene ba profesór no profesora sira seluk kona-ba vídeo neʼe, no sira kontente atu uza vídeo neʼe iha sira-nia klase.”

Defende an la ho liman mak vídeo ida seluk neʼebé ajuda ona estudante barak iha rai-Koreia Súl. Membru ida husi organizasaun ida neʼebé halaʼo programa atu prevene violénsia hatudu vídeo neʼe ba estudante sira nuʼudar parte husi sira-nia programa. Nia dehan: “Dezeñu sira iha vídeo neʼe dada joven sira-nia atensaun. Vídeo neʼe bele ajuda duni sira atu tahan bainhira ema haterus sira no mós atu hapara hahalok ida-neʼe.” Organizasaun neʼe hetan ona lisensa atu uza vídeo neʼe iha sira-nia programa neʼebé sira halaʼo ba eskola hotu, husi eskola primária toʼo pre-sekundária. Polísia sira mós uza vídeo sira husi sítiu www.jw.org.

Ita mós bele loke sítiu neʼe no download áudio, vídeo sira, Bíblia no mós livru sira seluk ho gratuitu deʼit.