Skip to content

Skip to table of contents

 TAHAN HASORU LARAN-TRISTE BAINHIRA EMA MATE

Dalan diʼak liu atu ajuda sira neʼebé laran-triste

Dalan diʼak liu atu ajuda sira neʼebé laran-triste

IHA TINAN BARAK NIA LARAN, MATENEK-NAʼIN BARAK HALO PESKIZA KONA-BA LARAN-TRISTE TANBA EMA NEʼEBÉ ITA HADOMI MATE. Hanesan uluk esplika ona, matenek-naʼin sira-nia sujestaun apoia malu ho matadalan iha Bíblia. Loloos, neʼe hatudu katak matenek no matadalan husi Bíblia iha folin nafatin. Iha Bíblia, ita bele hetan matadalan neʼebé diʼak liu, no mós informasaun neʼebé bele fó kmaan ba sira neʼebé triste.

  • Bíblia hatete katak ema mate la sente terus

    Eclesiastes (Pengkhotbah) 9:5 hatete: “Ema neʼebé mate ona la hatene buat ida.” Sira-nia “hanoin sira lakon ona”. (Salmo [Mazmur] 146:4) No Bíblia mós esplika katak mate mak hanesan toba ho hakmatek.—João 11:11.

  • Hetan kmaan hodi fiar metin ba Maromak domin nian

    Bíblia hatete iha Salmo (Mazmur) 34:15: “Jeová * nia matan hateke ba ema laran-loos sira, no nia see tilun ba sira-nia halerik atu husu ajuda.” Fó sai ita-nia sentimentu ba Maromak liuhusi orasaun mak dalan diʼak liu atu kontrola ita-nia hanoin no hetan kmaan. Neʼe mós bele ajuda ita atu iha relasaun diʼak ho ita-nia Kriadór, neʼebé bele uza ninia kbiit atu fó kmaan ba ita.

  • Futuru neʼebé kapás ba ema hotu

    Imajina toʼok tempu neʼebé ema mate sira sei moris fila fali iha rai! Bíblia koʼalia beibeik kona-ba tempu neʼe. Bíblia esplika situasaun ida-neʼe hodi hatete katak Maromak “sei hamaran [ita-nia] matan-been hotu husi [ita-nia] matan, no mate sei la iha tan, no ema sei la tanis tan ka laran-susar ka laran-triste; basá buat neʼebé uluk nian lakon tiha ona”.—Apokalipse 21:3, 4.

Ema barak neʼebé tau fiar ba Jeová, hetan kbiit atu tahan sira-nia laran-triste tanba fiar katak sira bele hasoru fali ema neʼebé mate ona. Porezemplu, Ann neʼebé kaben ona ba tinan 65 bainhira ninia laʼen mate, hatete: “Bíblia hametin haʼu katak ema neʼebé mate ona la terus no Maromak sei halo ema mate moris fila fali. Bainhira sente triste, haʼu hanoin kona-ba neʼe, no rezultadu mak haʼu bele tahan hasoru situasaun susar liu hotu iha haʼu-nia moris!”

Tina, neʼebé uluk temi ona, hatete: “Husi loron neʼebé Timo mate, haʼu sente duni katak Maromak apoia haʼu. Haʼu bele sente Jeová nia liman ajuda haʼu iha tempu susar. No ba haʼu, Bíblia nia promesa kona-ba moris-hiʼas mak tebes duni. Neʼe hametin haʼu atu tahan toʼo tempu neʼebé haʼu hasoru fali Timo.”

Hanesan ho Tina no Ann, ema rihun ba rihun mós tau fiar ba Bíblia. Maibé se Ita sente katak Bíblia nia promesa mak mehi deʼit, Ita bele buka-hatene liután kona-ba promesa sira-neʼe. Karik Ita mós sei konkorda katak só Bíblia deʼit mak bele ajuda ema neʼebé triste.

APRENDE LIUTÁN KONA-BA ESPERANSA BA EMA MATE

Haree vídeo sira-neʼe iha ami-nia sítiu, jw.org/tdt

Bíblia promete katak iha futuru, ita sei fó benvindu ba sira neʼebé moris-hiʼas

 SAIDA MAK AKONTESE KUANDU EMA MATE?

Saida mak akontese kuandu ita mate? Bíblia nia resposta neʼebé klaru sei fó kmaan no hametin ita

Klik LIVRU & VÍDEO >VÍDEO SIRA (Loke kategoria: Bíblia)

ITA HAKARAK RONA LIAFUAN DIʼAK KA LAE?

Ohin loron iha notísias aat barak, iha neʼebé mak Ita bele hetan liafuan diʼak? Vídeo neʼe esplika kona-ba broxura Liafuan Diʼak Husi Maromak

Klik LIVRU & VÍDEO >VÍDEO SIRA (Loke kategoria: Ami-nia reuniaun no haklaken)

^ par. 7 Jeová mak Maromak nia naran neʼebé temi iha Bíblia.