Skip to content

Skip to table of contents

Fó perdua bele hamate ahi problema nian

 BA KABEN-NAʼIN

4: Fó perdua

4: Fó perdua

NEʼE KATAK SÁ

Fó perdua laʼós katak hamenus ka finje katak sala ruma neʼebé ema halo ba ita nunka akontese. Maibé fó perdua katak la rai odi ka laran-kanek.

BÍBLIA NIA MATADALAN: “Kontinua hatudu pasiénsia ba malu no fó perdua ba malu ho laran tomak maski ema halo buat ruma hasoru imi.”—Koloso 3:13.

“Bainhira ita hadomi ema ruma, ita sei la tau fokus ba ninia fraku sira, maibé ita haree liu ba ninia hakaʼas an atu hadiʼa ninia hahalok.”—Aaron.

TANBASÁ IMPORTANTE

Se Ita rai odi, neʼe bele hamosu problema ba Ita-nia saúde no emosaun, no mós bele estraga Ita-nia moris kaben nian.

“Loron ida, haʼu-nia laʼen husu deskulpa tanba nia hakanek tebes haʼu-nia laran. Susar ba haʼu atu fó perdua. Maibé ikusmai haʼu fó perdua duni, maski nuneʼe haʼu rekoñese katak durante tempu neʼebé haʼu demora atu fó perdua, neʼe halo ami-nia relasaun sai dook.”—Julia.

SAIDA MAK ITA BELE HALO?

HUSU BA ITA-NIA AN

Bainhira Ita sente laran-kanek tanba buat ruma neʼebé Ita-nia kaben halo ka hatete, husu ba Ita-nia an:

  • ‘Haʼu sente an demais ka lae?’

  • ‘Sala neʼe mak sériu duni toʼo nia tenke husu deskulpa ka haʼu bele haluha deʼit?’

KOʼALIA BA ITA-NIA KABEN

  • Baibain, presiza tempu hira atu fó perdua ba malu?

  • Saida mak ita bele halo atu fó perdua ba malu lalais liu?

SUJESTAUN

  • Bainhira Ita sente laran-kanek, labele hanoin katak Ita-nia kaben mak laran-aat.

  • Koko atu fó perdua ba Ita-nia kaben nia hahalok sira, no hanoin-hetan katak “ita hotu halo sala dala barak”.—Tiago 3:2.

“Fasil deʼit ba ita atu fó perdua bainhira ita ida-idak halo sala, maibé se ita hanoin katak ita mak loos no ita-nia kaben deʼit mak sala, neʼe sei susar ba ita atu fó perdua. Presiza haraik an atu bele fó perdua.”—Kimberly.

BÍBLIA NIA MATADALAN: “Lalais atu hadiʼa ó-nia problema.”—Mateus 5:25.

Se Ita rai odi, neʼe bele hamosu problema ba Ita-nia saúde no emosaun, no mós bele estraga Ita-nia moris kaben nian.