Skip to content

Skip to table of contents

MATAN-MORIS BÁ! No. 2 2018 | Segredu 12 ba família atu moris kontente

Segredu 12 ba família atu moris kontente

Ita rona beibeik kona-ba problema oioin neʼebé mosu iha família laran. Maibé saida deʼit mak bele ajuda família sira?

  • Husi tinan 1990 toʼo 2015, iha Estadus Unidus, kaben-naʼin ho idade 50 liu neʼebé soe-malu aumenta ba dala rua, no kaben-naʼin ho idade 65 ba leten neʼebé soe-malu aumenta ba dala tolu.

  • Inan-aman sira konfuzaun tanba matenek-naʼin balu hatete katak inan-aman presiza gaba beibeik oan sira, maibé matenek-naʼin seluk haruka inan-aman atu fó dixiplina makaʼas.

  • Joven sira komesa sai boot ba daudaun maibé la iha matenek atu halo buat ruma.

Maibé tuir loloos . . .

  • Moris kaben nian bele metin nafatin no lori kontente.

  • Inan-aman bele aprende oinsá atu fó dixiplina ba sira-nia oan ho domin.

  • Joven sira bele haburas matenek oioin neʼebé sira presiza atu sai susesu.

Maibé, oinsá? Livru Matan-moris bá! sei koʼalia kona-ba segredu 12 ba família atu moris kontente.

 

1: Laran-metin

Sujestaun tolu neʼebé bele ajuda feen-laʼen atu hatudu laran-metin ba malu.

2: Apoia malu

Ita no Ita-nia kaben apoia malu ka Ita mak hanesan deʼit ho kolega neʼebé hela hamutuk?

3: Respeitu malu

Aprende kona-ba liafuan no hahalok neʼebé importante atu hatudu hodi Ita-nia kaben sente katak Ita respeitu nia.

4: Fó perdua

Saida mak bele ajuda Ita atu la tau fokus ba Ita-nia kaben nia fraku sira?

5: Koʼalia nakloke

Hakat tolu neʼebé ajuda Ita atu hakbesik liután ba Ita-nia oan.

6: Fó dixiplina

Dixiplina halo oan sira la fiar an ka lae?

7: Hanorin morál

Ita presiza hanorin morál saida deʼit ba Ita-nia oan?

8: Ezemplu diʼak

Se Ita hakarak Ita-nia oan halo tuir Ita-nia liafuan, Ita rasik mós presiza halo tuir Ita-nia liafuan.

9: Identidade

Oinsá mak joven sira bele hamriik metin hodi kaer metin sira-nia fiar?

10: Ema bele tau fiar

Atu bele sai ema boot, Ita presiza hatudu hahalok diʼak hodi nuneʼe, Ita-nia inan-aman tau fiar ba Ita.

11: Sai badinas

Se Ita aprende oinsá atu serbisu ho badinas bainhira Ita sei joven, neʼe bele ajuda Ita atu sai susesu.

12: Planu sira

Bainhira Ita kumpre Ita-nia planu sira, neʼe bele ajuda Ita atu sente fiar-an, hametin Ita-nia relasaun ho ema seluk, no halo Ita kontente liután.

Buat seluk neʼebé bele ajuda família

Matadalan husi Bíblia bele ajuda Ita atu iha moris kaben nian neʼebé metin no moris família nian neʼebé kontente.