Skip to content

Skip to table of contents

 MAROMAK MAK KRIA KA LAE?

Naroman husi kibu-kibu

Naroman husi kibu-kibu

KIBU-KIBU iha oioin, ida mak naran Photuris. Kikit neʼebé belit iha kibu-kibu neʼe nia kidun ajuda atu ninia naroman sai nabilan liu. *

Kikit sira husi kibu-kibu nia kidun

Hanoin toʼok kona-ba neʼe: Ema matenek sira neʼebé estuda kona-ba insetu neʼe haree katak iha kibu-kibu nia kidun iha kikit sira neʼebé kiʼik tebes no tula malu. No husi sorin ida, kikit sira-neʼe saʼe uitoan la toʼo milímetru ida. Maski saʼe uitoan deʼit, maibé ida-neʼe ajuda atu halo kibu-kibu nia naroman sai nabilan liu porsentu 50. Se kikit sira-neʼe la saʼe uitoan, kibu-kibu nia naroman la nabilan hanesan neʼe.

Se halo tuir sistema neʼe, ida-neʼe ajuda atu halo lampu kiʼik sira (LED) sai naroman liu iha sasán eletróniku sira ka lae? Atu hatene, sientista sira koko hodi uza buat ruma neʼebé besik hanesan ho kikit sira iha kibu-kibu nia kidun. Rezultadu mak saida? Lampu kiʼik sira-neʼe sai naroman liu porsentu 55! Sientista naran Annick Bay hatete: “Buat neʼebé importante liu kona-ba serbisu neʼe mak hodi estuda didiʼak kona-ba kriasaun, ita bele aprende buat barak.”

Tuir Ita-nia hanoin oinsá? Naroman husi kibu-kibu nia kidun mosu mesak deʼit? Ka Maromak mak kria ida-neʼe?

^ par. 3 Tanba kibu-kibu iha oioin, sientista sira seidauk estuda hotu.