SARA kaben ho mane neʼebé nia hadomi naran Abraão. Sira hela iha sidade boot Ur, iha rai-Sinear. Neʼe besik Mota Eufrates no moru mak haleʼu sidade neʼe. Ema iha sidade neʼe adora maromak falsu sira, maibé Abraão no Sara la hanesan neʼe. Sira adora Maromak loos ida deʼit, Jeová. Maibé loron ida, Sara hasoru situasaun neʼebé koko ninia fiar no aten-brani.

Abraão fó-hatene ba Sara katak Jeová koʼalia ona ho nia. Karik Sara sente kontente. Maibé buat neʼebé Jeová husu Abraão atu halo mak la fasil. Sira presiza husik sira-nia uma no família iha sidade Ur no muda ba fatin neʼebé dook tebes. Sira presiza halo viajen ho kuda-kamelu no neʼe sei han tempu kleur, no sira mós tenke hela iha tenda. Sara tenke husik sidade neʼebé seguru ho moru no guarda sira. Nia tenke husik ninia uma boot no buat diʼak seluk tan. Nia mós labele bá merkadu hanesan iha sidade Ur. Klaru katak neʼe susar duni. Maski nuneʼe, Sara prontu atu bá. Nia tau fiar ba Jeová, haloot sasán sira, fó adeus ba ninia família no belun sira, no halo viajen hamutuk ho Abraão ba fatin neʼebé sira la hatene.

Sara hatudu aten-brani iha dalan seluk tan. Apóstolu Paulo hakerek kona-ba Sara no Abraão hodi dehan: “Se sira hanoin beibeik kona-ba fatin neʼebé sira husik ona, sira bele buka oportunidade atu fila fali.” (Ebr 11:15) Sara bele deʼit hanoin beibeik kona-ba ninia uma iha sidade Ur no oinsá nia sente seguru iha neʼebá. Maibé duké halo nuneʼe, Sara ho aten-brani tau fokus ba futuru no la hanoin atu fila fali ba sidade Ur.

Bainhira sira toʼo iha rai-Kanaan, Sara haree katak iha neʼebá la iha mota boot hanesan Mota Eufrates. Neʼe katak la iha mós negósiu-naʼin sira-nia ró neʼebé lori hahán no sasán seluk ba ema atu sosa. Entaun kuandu rai-hamlaha akontese iha rai-Kanaan, sira presiza muda ba fatin seluk. Maski nuneʼe, Sara la uza situasaun neʼe hodi obriga ninia laʼen atu fila fali ba sidade Ur. Maibé nia prontu atu halo viajen ba rai-Ejitu hamutuk ho Abraão.

Tanba Sara mak bonita tebes, Abraão taʼuk katak ema sei oho nia atu hadau Sara husi nia. Abraão haruka Sara atu dehan katak  nia mak Abraão nia feton deʼit. Maibé sira nafatin hetan problema. Kuandu Faraó rona katak Sara mak bonita, nia haruka ema atu lori Sara ba ninia palásiu. Klaru katak moris iha palásiu mak seguru liu no diʼak liu fali se kompara ho moris iha tenda. Entaun Sara deside atu husik hela Abraão no goza moris diʼak hamutuk ho Faraó ka lae? Lae. Sara hatudu aten-brani no nafatin laran-metin ba ninia laʼen. Tan neʼe Jeová salva nia no nia bele hamutuk fali ho ninia laʼen neʼebé nia hadomi. a

Jeová promete katak nasaun boot ida sei mai husi Abraão. Maibé Sara seidauk iha oan, no neʼe situasaun neʼebé triste ba nia. Depois hela ba tinan barak iha rai-Kanaan, Jeová fó bensaun ba Sara. Maski Sara tinan 90 ona, maibé Jeová fó buat neʼebé Sara hakarak. Nia tuur-ahi oan-mane ida. Jeová haruka sira atu hanaran labarik-mane neʼe Isaac neʼebé signifika “Hamnasa”. Neʼe tanba bainhira Abraão no Sara hatene katak sira sei iha oan-mane ida, sira hamnasa ho kontente. No Sara fiar katak ema sei hamnasa hamutuk ho nia bainhira sira hatene katak Jeová haraik bensaun ba nia atu iha oan-mane ida.

Sara moris ba tinan barak no bele haboot ninia oan atu sai mane neʼebé hadomi Jeová. Sara presiza hatudu aten-brani atu proteje ninia oan-mane. Nia la hanoin kona-ba fila fali ba moris diʼak iha sidade Ur, maibé nia tau fokus ba futuru neʼebé furak toʼo nia mate. Sara no ninia família seidauk haree oinsá Jeová nia promesa neʼe sai loos. Maibé lakleur tan, promesa neʼe sei sai loos duni!

Lee istória neʼe iha:

• Génesis 12:​1-20; 15:18; 16:​1, 2; 17:​3-8, 15-19; 18:​9-15; 20:​1-17; 21:​1-13

• Apóstolu 7:​1-7

Atu koʼalia hamutuk:

Oinsá Sara hatudu aten-brani?

 Keʼe kleʼan

1. 1. Sala ka lae atu Sara kaben ho Abraão maski sira-nia aman ida deʼit? (wp17.3 p. 12 par. 5, nota)

   Ita-nia resposta

2. 2. Esplika toʼok saida deʼit mak Sara husik iha sidade Ur. (wp17.3 p. 13 par. 3–p. 14 par. 2) Haree dezeñu A

   Ita-nia resposta

   Photograph taken by courtesy of the British Museum

3. 3. Abraão husu Sara atu la fó sai katak nia mak Abraão nia feen. Tanbasá neʼe mak hahalok neʼebé matenek? (wp17.3 p. 14 par. 6–p. 15 par. 2)

   Ita-nia resposta

4. 4. Maski Sara hakruʼuk ba Abraão, maibé neʼe dehan katak nia nunka fó sai ninia hanoin ka lae? Esplika toʼok. (g 1/08 p. 29 par. 4-5) Haree dezeñu B

   Ita-nia resposta

 Lisaun atu aplika

• Kompara toʼok Sara ho Lot nia feen.

  • Saida mak hanesan entre sira naʼin-rua? (Gén 12:1; 13:​5-7; 19:​12, 15)

    Ita-nia resposta

  • Saida mak la hanesan entre sira naʼin-rua? (Gén 19:​17, 26; Lc 17:​28-32)

    Ita-nia resposta

  • Saida mak ita bele aprende husi sira-nia desizaun no rezultadu neʼebé sira hetan?

    Ita-nia resposta

• Sara mak bonita tebes no ninia laʼen mak riku. Oinsá ninia ezemplu bele ajuda ita atu iha hanoin neʼebé loos kona-ba ita-nia oin no isin, no mós rikusoin? (Prov 31:30; 1 Tim 6:​17-19)

  Ita-nia resposta

• Iha dalan saida deʼit mak Ita bele banati-tuir Sara nia aten-brani? Haree dezeñu C

  Ita-nia resposta

Medita kona-ba Jeová no ninia hakarak

• Saida mak haʼu bele aprende kona-ba Jeová husi istória neʼe?

  Ita-nia resposta

• Oinsá mak istória neʼe liga ho Jeová nia hakarak?

  Ita-nia resposta

• Haʼu hakarak husu pergunta saida deʼit ba Sara bainhira nia moris hiʼas?

  Ita-nia resposta