Skip to content

Oinsá mak moris família nian bele sai kontente liu?

Oinsá mak moris família nian bele sai kontente liu?

Tuir Ita-nia hanoin, liuhusi . . .

  • domin?

  • osan?

  • buat seluk?

 SAIDA MAK BÍBLIA HATETE?

“Ksolok ba sira neʼebé rona Maromak nia liafuan no halo tuir!”​—Lucas 11:28, Tradusaun Mundu Foun.

NEʼE LORI BENEFÍSIU SAIDA BA ITA?

Laʼen sei hadomi sira-nia feen.​—Éfeso 5:28, 29.

Feen sei hatudu respeitu kleʼan ba ninia laʼen.​—Éfeso 5:33.

Família iha unidade no sente seguru.​—Marcos 10:6-9.

 ITA BELE FIAR DUNI BUAT NEʼEBÉ BÍBLIA HATETE KA LAE?

Bele, tanba razaun rua:

  • Maromak mak hun ba moris família nian. Bíblia dehan katak liuhusi Maromak Jeová mak “família hotu iha lalehan no rai mosu mai”. (Éfeso 3:14, 15) Neʼe katak, Maromak Jeová mak hun ba moris família nian. Oinsá mak hatene ida-neʼe ajuda ita?

    Porezemplu: Se Ita han hahán neʼebé gostu loos, no Ita hakarak hatene oinsá atu teʼin ida-neʼe, Ita sei husu reseita ba sé? Klaru katak Ita husu ba ema neʼebé foin teʼin hahán neʼe, loos ka lae?

    Nuneʼe mós ho moris família nian, se ita hakarak iha família neʼebé kontente, ita presiza buka reseita ka matadalan husi Maromak Jeová, neʼebé mak hun ba moris família nian.​—Génesis 2:18-24.

  • Maromak hanoin ita. Família neʼebé matenek sei buka-hatene Maromak Jeová nia matadalan liuhusi ninia Liafuan. Tanbasá? Bíblia hatete: ‘Tanba nia hanoin ita.’ (1 Pedro 5:6, 7) Maromak Jeová hanoin kona-ba ita-nia diʼak, no ninia matadalan sempre ajuda ita-nia moris.​—Provérbios 3:5, 6; Isaias 48:17, 18.

 HANOIN TOʼOK

Oinsá mak ita bele sai laʼen, feen ka inan-aman neʼebé diʼak?

Bíblia fó resposta ba pergunta neʼe iha ÉFESO 5:1, 2 no KOLOSO 3:18-21.