Skip to content

Saida mak Maromak nia Reinu?

Saida mak Maromak nia Reinu?

Tuir Ita-nia hanoin, neʼe mak . . .

  • povu?

  • buat ruma iha ita-nia laran?

  • governu ida iha lalehan?

 SAIDA MAK BÍBLIA HATETE?

“Maromak iha lalehan sei harii ukun ida neʼebé sei nunka lakon.”​—Daniel 2:44, Tradusaun Mundu Foun.

“Oan-mane ida entrega ona ba ita; governu mak sei iha ninia kabaas.”​—Isaias 9:6; nota-rodapé.

NEʼE LORI BENEFÍSIU SAIDA BA ITA?

 ITA BELE FIAR DUNI BUAT NEʼEBÉ BÍBLIA HATETE KA LAE?

Bele, tanba razaun rua:

  • Jesus hatudu buat neʼebé Maromak nia Ukun sei halo. Bainhira Jesus iha rai, nia hanorin ninia dixípulu sira atu halo orasaun hodi husu Maromak nia Ukun, ka Reinu, atu mai toʼo rai no atu halo Maromak nia hakarak sai loos. (Mateus 6:9, 10) Jesus mós hatudu ona oinsá mak Maromak sei hatán ba orasaun neʼe.

    Porezemplu, Jesus fó ai-han ba ema neʼebé hamlaha, kura ema moras sira, no fó moris-hiʼas ba ema mate. (Mateus 15:29-38; João 11:38-44) Nuʼudar Liurai ba Maromak nia Ukun, Jesus hatudu buat neʼebé Ukun neʼe sei halo ba Maromak nia povu.​—Apokalipse 11:15.

  • Situasaun iha mundu agora hatudu katak Maromak nia Ukun besik ona atu mai. Jesus fó-hatene nanis katak antes Ukun neʼe lori dame ba rai, mundu neʼe sei iha funu barak, rai-hamlaha no rai-nakdoko.​—Mateus 24:3, 7.

    Ohin loron, ita haree buat sira-neʼe akontese daudaun. Entaun, ita bele fiar katak lakleur tan Maromak nia Ukun sei halakon terus hotu.

 HANOIN TOʼOK

Kuandu Maromak ukun ita, Ita-nia moris sei sai oinsá?

Bíblia fó resposta ba pergunta neʼe iha SALMO 37:29 no ISAIAS 65:21-23.