Skip to content

Skip to table of contents

 PARTE 7

Sé mak Jesus?

Sé mak Jesus?

Maromak Jeová haruka Jesus mai mundu. 1 João 4:9

Se ita hakarak halo Maromak Jeová kontente, ita tenke rona ba ninia Oan-Mane. Tinan rihun ba rihun antes Maromak Jeová kria Adão, nia kria anju ida neʼebé iha forsa boot iha lalehan.

Liutiha tinan barak, Maromak Jeová haruka nia mai toʼo mundu no moris iha Belein liuhusi feto virjen ida, naran Maria. Oan neʼe naran Jesus.​—João 6:38.

Bainhira Jesus moris iha mundu, nia hatudu hahalok hanesan Maromak nian. Nia laran-diʼak, hadomi ema, no ema mós gosta hakbesik nia. Nia brani hanorin lia-loos kona-ba Maromak Jeová.

 Jesus halo buat neʼebé diʼak maibé ema odi nia. 1 Pedro 2:21-24

Jesus mós kura ema moras sira no halo ema mate moris filafali.

Ulun-naʼin relijiaun sira odi Jesus tanba nia fó sai sira-nia hanorin falsu no hahalok aat sira.

Ulun-naʼin relijiaun sira bosok ema Roma hodi book sira atu baku no oho Jesus.