Skip to content

Skip to table of contents

 PARTE 5

Antes Rai-Nabeen Boot, sé mak rona no sé mak la rona Maromak nia avizu?

Antes Rai-Nabeen Boot, sé mak rona no sé mak la rona Maromak nia avizu?

Iha Noé nia tempu, ema barak liu halo hahalok aat. Génesis 6:5

Adão ho Eva iha oan, no ema sai barak iha mundu. Liutiha tempu balu, iha mós anju sira neʼebé halo tuir Satanás hodi kontra hasoru Maromak.

Sira mai toʼo mundu no nakfila an sai fali ema hodi bele hola feto sira. Feto sira-neʼe iha oan neʼebé isin-boot, forte no siʼak tebes.

Mundu sai nakonu ho ema aat. Bíblia hatete katak “ema nia hahalok aat sai barak tebes iha rai no ema nia hanoin hotu iha laran mak aat deʼit iha tempu hotu”.

 Noé rona ba Maromak no halo ró boot ida. Génesis 6:13, 14, 18, 19, 22

Noé mak ema diʼak. Maromak Jeová hatete ba Noé katak Nia sei halo rai-nabeen boot atu halakon ema aat hotu.

Maromak mós haruka Noé atu halo ró ida neʼebé modelu hanesan kaixote. Noé tenke hatama animál oioin, no nia ho ninia família mós tenke tama ba laran.

Noé fó avizu ba ema kona-ba Rai-Nabeen neʼebé atu akontese, maibé sira lakohi rona. Ema balu odi Noé no balu hamnasa deʼit.

Kuandu halo hotu ró neʼe, Noé hatama animál sira.