Skip to content

Skip to table of contents

 PARTE 1

Oinsá mak ita rona ba Maromak?

Oinsá mak ita rona ba Maromak?

Maromak koʼalia mai ita liuhusi Bíblia. 2 Timóteo 3:16

Maromak neʼebé loos haruka ema atu hakerek ninia hanoin iha livru espesiál ida. Livru neʼe mak Bíblia. Liuhusi livru neʼe, Maromak fó sai informasaun importante neʼebé nia hakarak ita atu hatene.

Maromak hatene buat neʼebé diʼak mai ita, no nia mak matenek hotu nia Hun. Hodi rona ba nia, ita bele hetan matenek neʼebé loos.​—Provérbios 1:5.

Maromak hakarak ema hotu lee Bíblia. Agora Bíblia tradús ona ba língua barak.

Se Ita hakarak rona ba Maromak, Ita presiza lee no komprende Bíblia.

 Ema barak aprende daudauk kona-ba Maromak. Mateus 28:19

Testemuña ba Jeová bele ajuda Ita atu komprende Bíblia.

Iha mundu tomak, sira hanorin lia-loos kona-ba Maromak.

Ita la presiza selu atu estuda Bíblia. Ita mós bele aprende kona-ba Maromak iha Reuniaun-Fatin husi Testemuña ba Jeová.