Skip to content

Skip to table of contents

 APÉNDISE

Sai livre husi masturbasaun

Sai livre husi masturbasaun

Masturbasaun mak hahalok neʼebé Maromak odi, no mós masturbasaun haburas hahalok hanesan hanoin an deʼit no hanoin buat foʼer. * Ema neʼebé halo masturbasaun dala ruma haree ema seluk hanesan deʼit buat ruma neʼebé bele halo sira sente kontente iha dalan seksuál. No ema neʼe mós dala barak haree katak relasaun seksuál mak laʼós dalan atu hatudu domin, maibé buat neʼebé bele fó kontente ba nia hakarak seksuál nian deʼit. Maibé, kontente hanesan neʼe ba tempu balun deʼit. Tuir loloos, diʼak liu atu hamate hahalok hanesan “sala-foʼer, hanoin foʼer, hakarak foʼer, laran-aat, laran karak-teen”. Maibé masturbasaun bele haburas hahalok sira-neʼe.​—Koloso 3:5.

Apóstolu Paulo hakerek: “Haʼu-nia doben sira, ita hamoos ita an husi buat foʼer sira hotu isin no klamar nian, no sai santu loloos hodi taʼuk Maromak.” (2 Korinto 7:1) Se Ita sente katak difisil tebes atu halo tuir konsellu sira-neʼe, labele sente laran-tun. Maromak Jeová sempre “prontu atu fó perdua” no ajuda Ita. (Salmo 86:5; Lucas 11:9-13) Tuir loloos, maski dala ruma Ita monu fali ba hahalok aat neʼe, Ita-nia laran neʼebé duun Ita no Ita-nia hakaʼas an atu sai livre husi hahalok aat, mak atitude neʼebé diʼak. Hanoin hetan mós katak “Maromak boot liu fali  Ita-nia laran, no Nia hatene buat hotu”. (1 Joao 3:20) Maromak la haree deʼit Ita-nia sala; nia haree Ita mak ema hanesan saida. Tanba nia hatene didiʼak Ita, ida-neʼe halo nia atu rona ho laran ba Ita-nia orasaun neʼebé Ita hatoʼo husi laran atu husu perdua. Tan neʼe labele sai baruk atu hakbesik ba Maromak ho haraik-an no husi laran hatoʼo Ita-nia orasaun. Sai hanesan oan neʼebé sempre halai ba ninia aman kuandu hetan problema ruma. Maromak Jeová sei fó ba Ita laran neʼebé moos. (Salmo 51:1-12, 17; Isaías 1:18) Dala barak Ita presiza atu troka buat ruma atu bele halo tuir Ita-nia orasaun. Porezemplu, Ita tenke koko makaʼas atu sees husi pornografia no mós ransu neʼebé la diʼak. *

Se Ita seidauk bele sai livre husi problema masturbasaun, favór ida koʼalia kona-ba neʼe ho inan ka aman fiar-naʼin, ka belun diʼak neʼebé iha esperiénsia liu iha lia-loos. *Provérbios 1:8, 9; 1 Tesalonika 5:14; Tito 2:3-5.

^ par. 1 Masturbasaun mak kaer ka halimar ho ita-nia oin-lulik, no dala barak ramata ho orgazmu.

^ par. 2 Atu kontrola ho diʼak kona-ba uza komputadór iha uma, familia barak tau sira-nia komputadór iha fatin neʼebé ema hotu iha familia laran bele haree. Dala ruma mós familia barak sosa programa neʼebé bele hamoos informasaun neʼebé la diʼak. Maibé, hanoin-hetan katak la iha buat ida neʼebé perfeitu iha mundu neʼe.

^ par. 1 Atu hetan informasaun liután kona-ba oinsá atubele sai livre husi problema masturbasaun, haree “Kaum muda bertanya . . . Bagaimana aku dapat menaklukkan kebiasaan ini?” iha Sedarlah! husi Novembru 2006, no haree mós livru Pertanyaan Kaum Muda—Jawaban yang Praktis, Jilid 1, pájina 178-82. Livru sira-neʼe iha mós iha lia-portugés.