Skip to content

Skip to table of contents

 LISAUN 14

Fó sai pontu importante ho klaru

Fó sai pontu importante ho klaru

Ebreu 8:1

SAIDA MAK ITA PRESIZA HALO: Ajuda rona-naʼin atu akompaña no rona tuir Ita-nia diskursu, no esplika ho klaru oinsá pontu importante ida-idak apoia Ita-nia títulu no objetivu.

OINSÁ ATU HALO IDA-NEʼE:

  • Iha objetivu ida. Deside se Ita-nia diskursu mak atu fó sai deʼit informasaun, book rona-naʼin atu fiar ka fó laran-manas, tuirmai prepara Ita-nia informasaun hodi tuir Ita-nia objetivu. Pontu importante neʼebé Ita hatoʼo tenke apoia Ita-nia títulu no objetivu.

  • Énfaze títulu ba Ita-nia diskursu. Iha Ita-nia diskursu, koʼalia kona-ba Ita-nia títulu hodi repete liafuan importante sira ka hodi uza liafuan neʼebé iha signifikadu hanesan.

  • Halo pontu importante sira klaru no simples. Hakaʼas an atu hili deʼit pontu importante neʼebé liga ho Ita-nia títulu, no hatoʼo informasaun tuir tempu. Uza pontu importante balu deʼit, halo klaru pontu importante ida-idak, pauza iha pontu ida-idak, no esplika ho didiʼak pontu ida ba pontu tuirmai.