Skip to content

Skip to table of contents

 ISTÓRIA 115

Paraízu foun iha Rai

Paraízu foun iha Rai

HAREE ba ai-hun neʼebé boot, ai-funan neʼebé furak, no foho neʼebé aas. Kapás tebes, loos ka lae? Haree toʼok bibi-rusa han daudauk husi labarik kiʼik nia liman. No haree leaun no mós kuda hamriik iha duʼut matak. Ó mós hakarak hela iha fatin hanesan neʼe ka lae?

Maromak hakarak ó atu moris ba nafatin iha paraízu iha mundu. Nia la gosta ó atu iha moras neʼebé ema hasoru daudauk iha tempu agora. Ida-neʼe mak promesa husi Bíblia ba ema neʼebé atu hela iha paraízu foun: ‘Maromak sei hela hamutuk ho sira. Sei la iha tan mate no tanis no mós laran-susar. Buat neʼebé uluk nian liu tiha ona.’

Jesus sei tau matan atu buat furak neʼe akontese duni. Hatene bainhira? Sin, ulukliu nia sei hamoos buat aat hotu no ema aat hotu husi mundu, depois mak buat neʼe akontese. Hanoin-hetan, bainhira Jesus iha mundu, nia kura moras oioin hotu, no mós halo ema mate moris filafali. Jesus halo nuneʼe atu hatudu saida mak nia sei halo iha mundu tomak kuandu nia sai Liurai iha Maromak nia reinu.

Hanoin toʼok iha paraízu iha mundu, ita-nia moris sai furak tebes! Jesus sei ukun iha lalehan hamutuk ho sira neʼebé nia hili. Ukun-naʼin sira-neʼe sei tau matan ba ema hotu iha mundu atu sira moris haksolok. Mai ita haree saida mak ita presiza halo atu Maromak bele fó mai ita moris rohan-laek iha paraízu foun Dezeñu iha pájina tomak