Skip to content

Skip to table of contents

 LISAUN 14

Ukun ida neʼebé sei tau matan ba mundu tomak

Ukun ida neʼebé sei tau matan ba mundu tomak

Ó hatene ka lae, ita koʼalia kona-ba ukun saida?— Sin, ida-neʼe mak Maromak nia Ukun, no Ukun neʼe sei halo mundu tomak sai hanesan jardín furak. Ó hakarak aprende tan kona-ba Ukun ida-neʼe ka lae?—

Ukun hotu tenke iha liurai neʼebé tau matan ba ninia povu sira. Ó hatene sé mak Liurai ba Maromak nia Ukun?— Ida-neʼe mak Jesus Kristu. Nia hela iha lalehan no lakleur tan, nia sei ukun ema hotu iha rai! Tuir ó-nia hanoin, ita hotu sei sai kontente kuandu Jesus ukun nuʼudar Liurai ba mundu tomak ka lae?—

Ó hakarak halo saida iha mundu foun?

Ita hotu sei kontente tebes! Iha mundu foun, ema sei la baku malu ka funu malu tan. Ema hotu sei hadomi malu. La iha ema ida neʼebé sei moras ka mate. Ema matan-delek sira sei haree fali no tilun-diuk sira sei rona fali. Ema aleijadu sira sei halai no haksoit. Sei iha hahán neʼebé toʼo ba ema hotu. No animál sira sei maus ba malu no halimar ho ita. Ema neʼebé mate sei moris fali. Ema barak neʼebé ita aprende iha livru neʼe hanesan  Rebeka, David, no Elias mós sei moris fali! Sé mak ó hakarak atu hasoru iha mundu foun?

Jeová hadomi tebes ó, no nia hakarak ó atu kontente. Se ó aprende nafatin kona-ba Jeová no halo tuir nia, ó bele moris iha mundu foun neʼebé kapás. Ó hakarak ida-neʼe ka lae?—