Skip to content

Skip to table of contents

Informasaun

Informasaun

ASISTENTE Asistente sira-nia knaar mak atu ajuda Ita. Favór ida, halo tuir buat neʼebé sira dehan kona-ba oinsá atu para karreta, fatin atu laʼo, tuur-fatin, no buat seluk tan.

BATIZMU Tuur-fatin ba sira neʼebé atu hetan batizmu mak iha oin, besik palku. Iha loron-sábadu dadeer antes diskursu batizmu nian komesa, sira neʼebé prontu ona atu hetan batizmu presiza tuur iha fatin neʼebé prepara ona. Sira ida-idak presiza lori toalla no roupa neʼebé la mihis no la badak demais.

EMERJÉNSIA MÉDIKU Favór ida, hanoin-hetan katak fatin neʼe ba EMERJÉNSIA DEʼIT.

KONTRIBUISAUN Presiza selu osan barak atu arranja sasán hanesan kadeira, mikrofone, ekipamentu ba vídeo no buat seluk tan, hodi ita bele haksolok no hetan ajuda atu hakbesik liután ba Maromak Jeová liuhusi reuniaun boot neʼe. Osan neʼebé ita fó ho laran sei uza atu selu sasán sira-neʼe, no mós sei uza atu apoia serbisu haklaken iha mundu tomak. Iha salaun neʼe iha kaixa kontribuisaun balu. Grupu Administradór agradese tebes ba kontribuisaun hotu neʼebé ita fó ho laran-luak hodi apoia Maromak nia Ukun.

SASÁN LAKON NO SASÁN HETAN Se hetan sasán ruma, favór ida lori ba fatin Sasán Lakon no Sasán Hetan. Se Ita lakon sasán ruma, karik Ita bele hetan fali iha fatin neʼe. No mós se iha labarik ruma neʼebé lakon, favór ida lori ba fatin neʼe. Maibé, fatin neʼe laʼós atu tau matan ba labarik sira. Favór ida, tau matan ba Ita-nia oan no la husik sira laʼo mesak.

SERBISU VOLUNTÁRIU Se Ita hakarak halo serbisu voluntáriu iha reuniaun boot neʼe, favór ida husu irmaun sira neʼebé tau matan ba serbisu voluntáriu.

TUUR-FATIN Favór ida, hanoin kona-ba ema seluk nia diʼak. Ita bele tau sasán iha kadeira neʼebé Ita rasik mak sei tuur no ba Ita-nia família rasik, sira neʼebé mai hamutuk ho Ita, ka sira neʼebé hela hamutuk ho Ita. Ita mós bele prepara tuur-fatin ba Ita-nia estudante Bíblia. Favór ida, keta tau sasán iha kadeira neʼebé Ita la tuur.

 ENKONTRU ESPESIÁL

ESKOLA BA HAKLAKEN-NAʼIN TEMPU-TOMAK Ami konvida irmaun-irmán pioneiru sira ho tinan 23 toʼo 65 neʼebé hakarak aumenta sira-nia serbisu haklaken atu tuir enkontru kona-ba Eskola ba Haklaken-Naʼin Tempu-Tomak. Enkontru neʼe sei halaʼo iha loron-domingu lokraik. Ami sei hatoʼo avizu kona-ba oras no fatin ba enkontru neʼe.

Prepara husi Grupu Administradór husi Testemuña ba Jeová