Bíblia fó sai ezemplu barak kona-ba orasaun neʼebé Jeová hatán. Bainhira Maromak nia atan haree oinsá mak Jeová rona sira-nia problema no hatán ba sira, neʼe halo sira-nia fiar sai metin liután. Tan neʼe, diʼak ba ita atu hatoʼo orasaun kona-ba buat neʼebé espesífiku no tuirmai koko atu buka-hatene Jeová nia resposta. Keta haluha katak dala ruma ninia resposta la hanesan ka diʼak liu fali buat neʼebé ita husu. (2Ko 12:7-9; Éf 3:20) Saida deʼit mak Jeová bele fó mai ita hodi hatán ita-nia orasaun?

• Forsa iha dalan fíziku, emosaun, ka espirituál atu tahan hasoru problema.​—Flp 4:13

• Matenek atu halo desizaun diʼak.​—Tgo 1:5

• Hakarak atu halo buat ruma.​—Flp 2:13

• Sente kalma kuandu laran-susar.​—Flp 4:6, 7

• Ajuda husi ema seluk iha dalan fíziku no emosaun.​—1Jo 3:17, 18

• Ajuda ba ema seluk neʼebé ita temi iha orasaun.​—Aps 12:5, 11

HAREE VÍDEO JEOVÁ “RONA BA ORASAUN”, DEPOIS HATÁN BA PERGUNTA TUIRMAI:

• Oinsá mak irmaun Takeshi nia esperiénsia anima ita se ita iha problema ho saúde?

• Oinsá mak ita bele halo tuir irmaun Takeshi nia ezemplu?