Skip to content

Skip to table of contents

 MORIS NUʼUDAR EMA KRISTAUN

Aumenta ita-nia matenek iha serbisu haklaken—Hahú dada-lia neʼebé bele kria oportunidade atu haklaken

Aumenta ita-nia matenek iha serbisu haklaken—Hahú dada-lia neʼebé bele kria oportunidade atu haklaken

Jesus konsege haklaken iha dalan la formál ba feto Samaria ida tanba nia hahú dada-lia ho feto neʼe. Oinsá mak ita bele aumenta ita-nia matenek kona-ba hahú dada-lia ho ema neʼebé ita la koñese?

  • Hatudu oin-midar no koʼalia ho ema. Maski Jesus sente kole, nia hahú koʼalia hodi husu bee atu hemu. Tan neʼe, Ita bele komesa hodi fó kumprimenta no tuirmai karik koʼalia kona-ba klima ka akontesimentu ruma. Hanoin-hetan katak, Ita-nia planu foufoun mak atu hahú dada-lia, tan neʼe koʼalia kona-ba tópiku naran deʼit neʼebé ema neʼe interese. Se la iha rezultadu, la buat ida. Koko fali ho ema seluk. Husu Jeová haraik aten-brani ba Ita.—Ne 2:4; Aps 4:29.

  • Buka oportunidade atu haklaken ba ema, maibé keta ansi. Dada-lia hanesan baibain. Se Ita obriga an, karik ema neʼe sei sente ladiʼak no lakohi koʼalia tan ho Ita. Keta sente triste se Ita la konsege atu fó sasin ba ema neʼe. Se Ita mak sente susar atu hahú koʼalia kona-ba lia-loos, treinu kona-ba oinsá atu hahú dada-lia deʼit, lalika hanoin kona-ba atu fó sasin. [Loke no koʼalia hamutuk kona-ba vídeo 1.]

  • Koko kria oportunidade atu fó sasin hodi koʼalia kona-ba Ita rasik nia fiar, karik neʼe bele book rona-naʼin atu husu pergunta. Jesus mós koʼalia kona-ba tópiku ida neʼebé book feto Samaria hodi husu pergunta. Kuandu Jesus koʼalia kona-ba liafuan diʼak, tuir loloos nia hatán deʼit pergunta sira neʼebé feto neʼe husu. [Loke no koʼalia hamutuk kona-ba vídeo 2, no tuirmai loke no koʼalia hamutuk kona-ba vídeo 3.]