Skip to content

Skip to table of contents

 MORIS NUʼUDAR EMA KRISTAUN

Treinu sira atu kontinua serbí nafatin Jeová

Treinu sira atu kontinua serbí nafatin Jeová

Baibain haklaken-naʼin foun neʼebé hetan treinu sedu hodi haklaken beibeik ho badinas, ikusmai sai haklaken-naʼin neʼebé diʼak. (Prv 22:6; Flp 3:16) Tuirmai iha sujestaun balu oinsá Ita bele ajuda Ita-nia estudante Bíblia atu haburas toman neʼebé diʼak iha serbisu haklaken:

  • Bainhira Ita-nia estudante sai ona haklaken-naʼin, komesa fó treinu ba nia. (km 8/15 p. 1) Ajuda nia hodi hatene katak importante tebes atu iha toman hodi haklaken semana-semana. (Flp 1:10) Koʼalia pozitivu kona-ba ema iha Ita-nia haklaken fatin. (Flp 4:8) Fó laran-manas ba nia atu haklaken hamutuk ho irmaun neʼebé tau matan ba grupu no haklaken-naʼin seluk atu nia bele aprende husi sira.—Prv 1:5; km 10/12 p. 6 par. 3

  • Bainhira Ita-nia estudante hetan ona batizmu, kontinua fó laran-manas no treinu nia iha serbisu haklaken, liuliu se nia seidauk ramata livru “Maromak nia Domin”.—km 12/13 p. 7

  • Bainhira haklaken hamutuk ho haklaken-naʼin foun, uza dalan simples atu haklaken ba ema. Kuandu rona tiha oinsá nia haklaken ba ema, gaba nia. Fó sujestaun balu ba nia atu nia bele haklaken diʼak liután.—km 5/10 p. 7