Skip to content

Skip to table of contents

 MORIS NUʼUDAR EMA KRISTAUN

Jeová hadomi ema neʼebé moos

Jeová hadomi ema neʼebé moos

“Fase liman. Hamoos ó-nia kuartu. Dasa rai. Lori foʼer ba lixu.” Inan-aman barak hanorin sira-nia oan atu moos nafatin. Tuir loloos, matadalan atu moos mai husi ita-nia Maromak santu. (Éx 30:18-20; Deu 23:14; 2Ko 7:1) Se ita-nia isin no sasán moos nafatin, ita lori glória ba Jeová. (1Pe 1:14-16) Oinsá ho ita-nia uma no komunidade? Maski ema seluk soe foʼer iha dalan no iha jardín, maibé ema Kristaun sira hakaʼas an atu la hafoʼer ita-nia planeta. (Sal 115:16; Apk 11:18) Kona-ba buat kiʼik mós, hanesan rebusadu nia kulit, ákua mamuk, ka xumingál, ita bele hatudu katak ita hafolin Maromak nia mandamentu atu moos nafatin. Ita hakarak ‘hatudu ita-nia an nuʼudar Maromak nia serbisu-naʼin’ iha dalan hotu iha ita-nia moris.—2Ko 6:3, 4.

HAREE VÍDEO MAROMAK HADOMI EMA NEʼEBÉ MOOS, DEPOIS HATÁN BA PERGUNTA SIRA TUIRMAI NEʼE:

  • Razaun saida mak karik halo ema balu la hamoos sira-nia sasán?

  • Oinsá mak Moisés nia Ukun-Fuan hatudu Jeová nia haree kona-ba moos?

  • Oinsá mak ita bele fó glória ba Jeová maski la ho liafuan?

Oinsá mak haʼu bele haleno Jeová nia hanoin kona-ba moos iha haʼu-nia moris rasik?