Skip to content

Skip to table of contents

 MORIS NUʼUDAR EMA KRISTAUN

Domin hatudu sai ema kristaun neʼebé loos​—Proteje unidade neʼebé folin-boot

Domin hatudu sai ema kristaun neʼebé loos​—Proteje unidade neʼebé folin-boot

TANBASÁ IMPORTANTE: Iha kalan antes Jesus mate, nia halo orasaun atu ninia dixípulu sira bele “sai kompletu nuʼudar ida deʼit”. (Jo 17:23) Atu iha nafatin unidade, ita tenke hatudu domin neʼebé “la hanoin fali buat aat neʼebé nia simu”.​—1Ko 13:5.

OINSÁ ATU HALO IDA-NEʼE:

  • Banati-tuir Jeová hodi haree ba ema nia hahalok diʼak

  • Fó perdua ho laran

  • Se problema ida rezolve ona, keta keʼe fali problema neʼe.​—Prv 17:9

HAREE VÍDEO HATUDU “DOMIN BA MALU”​—LA HANOIN FALI BUAT AAT NEʼEBÉ ITA SIMU, DEPOIS HATÁN BA PERGUNTA SIRA TUIRMAI NEʼE:

  • Iha parte primeiru husi vídeo neʼe, oinsá mak Elena hatudu katak nia ‘hanoin nafatin ba buat aat neʼebé nia simu’?

  • Iha parte segundu husi vídeo neʼe, oinsá mak Elena halakon ninia hanoin negativu no haburas fali hanoin pozitivu?

  • Ikusmai, oinsá mak Elena kontribui ba kongregasaun nia unidade?

Sé mak sente triste liu se ita hanoin fali buat aat neʼebé ita simu?