Skip to content

Skip to table of contents

 MORIS NUʼUDAR EMA KRISTAUN

Oinsá bele fó komentáriu neʼebé diʼak

Oinsá bele fó komentáriu neʼebé diʼak

Komentáriu neʼebé diʼak hametin kongregasaun. (Rom 14:19) Bele mós hametin ema neʼebé fó komentáriu. (Prv 15:23, 28) Tan neʼe, ita tenkesér koko atu fó komentáriu pelumenus dala ida iha reuniaun hotu. Ita hatene katak bainhira ita foti liman, irmaun sira la hatudu kedas ita, tan neʼe diʼak atu prepara nanis komentáriu seluk tan.

Komentáriu neʼebé diʼak mak . . .

  • simples, moos, no badak. Diʼak liu atu la liu segundu 30

  • uza ita-nia liafuan rasik

  • la repete fali ema seluk nia komentáriu

Se Ita mak ema primeiru atu fó komentáriu, . . .

  • hatán deʼit tuir pergunta ho liafuan simples

Se pergunta mak hatán tiha ona, Ita bele . . .

  • uza eskritura sira neʼebé koʼalia kona-ba resposta neʼe

  • koʼalia kona-ba oinsá mak informasaun neʼe kona ita-nia moris

  • esplika kona-ba oinsá mak ita bele uza informasaun neʼe

  • temi esperiénsia badak ida neʼebé koʼalia kona-ba pontu sira-neʼe