Skip to content

Skip to table of contents

 RIKUSOIN HUSI BÍBLIA | 2 KORINTO 4-6

“Ita la rende an”

“Ita la rende an”

4:16-18

Imajina toʼok, iha família rua neʼebé hela iha apartamentu neʼebé tuan no aat ona. Família ida laran-kraik tebes, maibé família ida seluk kontente deʼit. Tanbasá? Tanba família seluk neʼe lakleur tan sei muda ba uma foun neʼebé kapás.

Maski “kriasaun hotu kontinua halerik hamutuk no sente moras hamutuk toʼo agora,” maibé Maromak nia atan sira iha esperansa neʼebé ajuda sira atu tahan. (Rom 8:22) Ita hatene katak susar neʼebé ita hasoru agora mak “ba tempu uitoan deʼit no kmaan” bainhira kompara ho moris rohan-laek iha Maromak nia mundu foun. Hodi fokus ba bensaun neʼebé ita sei simu iha futuru liuhusi Maromak nia Ukun, sei ajuda ita atu kontente no la rende an.