Skip to content

Skip to table of contents

 TREINU KONA-BA HAKLAKEN

Aumenta ita-nia matenek iha serbisu haklaken—Fahe revista hodi uza ita rasik nia liafuan

Aumenta ita-nia matenek iha serbisu haklaken—Fahe revista hodi uza ita rasik nia liafuan
HAREE

TANBASÁ IMPORTANTE: Maski parte “Ezemplu atu haklaken” iha pájina 1 fó sai ideia diʼak, maibé ita presiza duni hatoʼo ideia neʼe ho ita rasik nia liafuan. Dala ruma ita mós uza tópiku seluk ka dalan seluk neʼebé diʼak ba ita-nia área. Tan neʼe, depois lee tiha revista no haree didiʼak ba “ezemplu atu haklaken”, ita bele uza sujestaun tuirmai neʼe atu prepara ita rasik nia liafuan.

OINSÁ ATU HALO IDA-NEʼE:

Husu ba ita-nia an: ‘Haʼu hakarak uza ezemplu ida husi parte “Ezemplu atu haklaken” ka lae?’

SIN

  • Prepara ita-nia liafuan sira atu komesa koʼalia ho ema. Fó tiha kumprimenta, karik ita presiza fó-hatene nia kona-ba ita-nia objetivu atu vizita sira. (Porezemplu: “Ami mai vizita Ita tanba . . . ”)

  • Hanoin didiʼak oinsá mak ita bele hatutan tan ita-nia liafuan bainhira husu tiha pergunta, loke eskritura no hatudu revista. (Porezemplu, antes atu loke eskritura ida, bele dehan: “Resposta ba pergunta neʼe bele hetan iha neʼe.”)

LAE

  • Husi revista neʼe, hili informasaun ida neʼebé ita gosta no mós diʼak ba ita-nia área

  • Prepara pergunta ida neʼebé bele book ema atu fó sai sira-nia hanoin no dada sira-nia atensaun. Maibé keta husu pergunta neʼebé halo ema sente moe ka taʼuk (Porezemplu, uza pergunta sira neʼebé temi iha Livru Haklaken, pájina 2.)

  • Hili eskritura ida atu lee. (Kuandu ita atu fahe Matan-moris bá!, ita la presiza sente katak ita tenkesér lee eskritura ida, tanba revista neʼe prepara ba ema neʼebé ladún hatene Bíblia no mós ba ema neʼebé la fiar relijiaun.)

  • Prepara liafuan badak neʼebé esplika oinsá mak informasaun neʼe bele ajuda sira

IKUSLIU ITA HOTU TENKE . . .

  • Prepara pergunta ida atu husik ba uma-naʼin hodi bele vizita fali

  • Hakerek nota atu labele haluha buat neʼebé ita sei koʼalia