Skip to content

Skip to table of contents

 MORIS NUʼUDAR EMA KRISTAUN

Jesus nia sakrifísiu mak loke dalan ba moris-hiʼas

Jesus nia sakrifísiu mak loke dalan ba moris-hiʼas

Tempu Memoriál fó oportunidade mai ita atu hanoin kleʼan kona-ba bensaun oioin neʼebé ita sei simu liuhusi Jesus nia sakrifísiu. Bensaun furak ida mak moris-hiʼas. Ita sente triste tebes bainhira ita-nia família ka belun mate, tanba tuir loloos, Jeová hakarak ema atu moris ba nafatin. (1Ko 15:26) Bainhira Jesus haree ninia dixípulu sira sente triste tebes ba Lázaro nia mate, ida-neʼe halo Jesus mós laran-susar. (Jo 11:33-35) Tanba Jesus mak ninia Aman nia ilas, ita bele fiar katak Jeová mós sente laran-kanek bainhira nia haree ita triste tanba ema neʼebé ita hadomi mate. (Jo 14:7) Jeová hein namanas ba tempu neʼebé nia sei halo ninia atan sira moris hiʼas fali, no ita mós hein namanas ba tempu neʼe.—Jó 14:14, 15.

Tanba Jeová laʼós Maromak runguranga nian, ita bele fiar katak nia sei halo ema moris hiʼas fali iha dalan neʼebé loloos. (1Ko 14:33, 40) Iha tempu neʼebá, ita sei la rona tan lia-rekadu kona-ba ema mate, maibé karik ita sei halo festa boot atu simu fali ema neʼebé moris hiʼas. Ita hakarak hanoin didiʼak kona-ba moris-hiʼas, liuliu kuandu Ita triste hela tanba Ita-nia belun ka família mate. (2Ko 4:17, 18) Ita agradese ba Jeová tanba nia fó ninia Oan no mós tanba nia fó-hatene ita kona-ba moris-hiʼas liuhusi Bíblia.—Kol 3:15.

  • Husi Ita-nia belun no família neʼebé mate ona, Ita hein namanas atu hasoru fali sé?

  • Husi fiar-naʼin hotu neʼebé Bíblia temi, Ita hakarak koñese malu no habelun ho sé?