Skip to content

Skip to table of contents

 MORIS NU’UDAR EMA KRISTAUN

Ita uza daudauk JW Library ka lae?

Ita uza daudauk JW Library ka lae?

JW Library mak aplikasaun neʼebé ita bele uza atu download Bíblia, livru, vídeo, no gravasaun kona-ba Bíblia ba ita-nia telefone, tablet, ka komputadór.

DALAN ATU HETAN APLIKASAUN NEʼE: Buka JW Library husi internét no download. Aplikasaun neʼe bele loke ho sasán eletróniku oioin. Bainhira ita sei liga hela ho internét, loke aplikasaun neʼe no hili buat saida deʼit mak ita hakarak atu download. Se ita laiha internét, karik bele bá fatin neʼebé iha wifi. Se ita mak download tiha ona livru sira husi aplikasaun neʼe, ita la presiza tan atu asesu ba internét atu loke aplikasaun neʼe. No tanba JW Library sempre tau buat foun iha laran, tan neʼe kleur-kleur ita presiza uza internét hodi hafoun aplikasaun neʼe.

TANBASÁ DIʼAK ATU IHA? JW Library ajuda tebes ita atu halaʼo estuda mesak no atu uza ba reuniaun sira. Diʼak mós atu uza ba haklaken, liuliu atu haklaken iha dalan la formál.