Skip to content

Skip to table of contents

 MORIS NUʼUDAR EMA KRISTAUN

Ita hakarak aplika ba Eskola ba Haklaken-Naʼin Tempu-Tomak?

Ita hakarak aplika ba Eskola ba Haklaken-Naʼin Tempu-Tomak?

Ita tinan entre 23 no 65 no agora serbí tempu-tomak ka lae? Ita-nia saúde diʼak no prontu serbí iha fatin neʼebé presiza haklaken-naʼin liután ka lae? Se nuneʼe, Ita hanoin ona atu aplika ba Eskola ba Haklaken-Naʼin Tempu-Tomak? Husi tempu neʼebé eskola neʼe hahú, kaben-naʼin, no irmaun-irmán klosan rihun ba rihun mak aplika. Maibé, ita presiza irmaun klosan barak liután atu aplika. Husu ba Jeová atu aumenta Ita-nia hakarak atu halo nia kontente, no atu halo tuir ninia Oan-Mane. (Sal 40:8; Mt 20:28; Ebr 10:7) Depois, hanoin kona-ba oinsá atu hamenus responsabilidade pesoál balu hodi Ita bele aplika.

Sira neʼebé simu treinu hetan oportunidade atu serbí iha dalan oinsá? Balu hetan knaar atu serbí iha fatin neʼebé uza língua seluk, ka hola parte iha haklaken públiku iha sidade boot sira. Balu fali ikusmai hetan knaar nuʼudar misionáriu, katuas área ka simu treinu atu halaʼo katuas área nia knaar. Nuʼudar Ita hanoin kona-ba oinsá Ita bele aumenta liután Ita-nia serbisu ba Jeová, halo tuir liafuan husi Isaias: “Haʼu mak neʼe! Haruka haʼu bá!”​—Isa 6:8.

HAREE VÍDEO MISIONÁRIU SIRA—BADINAS IHA SERBISU KOʼA NIAN, DEPOIS HATÁN BA PERGUNTA SIRA TUIRMAI NEʼE:

  • Oinsá mak ema ida simu knaar nuʼudar misionáriu?

  • Serbisu diʼak saida deʼit mak misionáriu sira halo?

  • Bensaun saida deʼit mak misionáriu sira hetan?