Skip to content

Skip to table of contents

 MORIS NUʼUDAR EMA KRISTAUN

Uza livru “Hela Nafatin iha Maromak nia Domin” atu book ema nia laran

Uza livru “Hela Nafatin iha Maromak nia Domin” atu book ema nia laran

TANBASÁ IMPORTANTE: Ema presiza aprende kona-ba Jeová nia morál no halo tuir morál sira-neʼe atu nia simu sira-nia adorasaun. (Isa 2:3, 4) Livru “Maromak nia Domin” mak livru segundu ita uza atu kontinua estuda ho ema hodi ajuda sira komprende oinsá sira bele uza Maromak nia matadalan iha sira-nia moris. (Ebr 5:14) Hakaʼas an atu hanorin sira iha dalan neʼebé kona sira-nia laran atu bele book sira halo mudansa ba sira-nia moris.—Rom 6:17.

OINSÁ ATU HALO IDA-NEʼE:

  • Prepara didiʼak, hanoin kona-ba ita-nia estudante nia presiza. Prepara pergunta ruma atu ajuda nia fó sai ninia hanoin ka oinsá nia sente kona-ba informasaun neʼe.—Prv 20:5; be p. 259

  • Uza kaixa sira iha livru neʼe atu ajuda ita-nia estudante komprende tanbasá importante atu uza Bíblia nia matadalan iha ninia moris

  • Ajuda ita-nia estudante atu hatene oinsá bele uza didiʼak ninia konxiénsia bainhira halo desizaun ruma, maibé keta halo desizaun ba nia.—Gal 6:5

  • Koko buka-hatene se ita-nia estudante presiza aplika Bíblia nia matadalan saida no fó laran-manas ba nia katak, tanba ninia domin ba Jeová mak nia presiza halo mudansa ba ninia moris.—Prv 27:11; Jo 14:31