Skip to content

Skip to table of contents

 MORIS NUʼUDAR EMA KRISTAUN

Simu sira ho laran

Simu sira ho laran

Simu sé mak ho laran? Ema naran deʼit neʼebé tuir ita-nia reuniaun sira, maski sira mak ema foun neʼebé foin tuir reuniaun ka ita-nia belun sira neʼebé ita koñese kleur ona. (Rom 15:7; Ebr 13:2) Inklui mós maluk fiar-naʼin neʼebé vizita daudaun husi rai seluk ka irmaun-irmán sira neʼebé kleur ona la tuir reuniaun. Hanoin toʼok se Ita mak iha sira-nia situasaun, Ita sei sente oinsá se ema simu Ita ho laran? (Mt 7:12) Tan neʼe mak diʼak atu hakaʼas an hodi buka ema no hasé sira antes no depois reuniaun. Halo nuneʼe bele ajuda kongregasaun sente besik ba malu, iha domin, no lori glória ba Jeová. (Mt 5:16) Karik ita la iha tempu atu koʼalia ba ema hotu neʼebé tuir reuniaun. Maibé se ita mak hakaʼas an, ema seluk sei sente katak ita hafolin sira. *

Ita hatudu laran-diʼak ba ema laʼós iha tempu espesiál hanesan Memoriál deʼit, maibé mós iha tempu hotu. Bainhira ema foun haree ita hatudu domin ba malu, neʼe bele book sira atu fó hahiʼi ba Maromak no simu lia-loos.—Jo 13:35.

^ par. 3 Bíblia fó prinsípiu kona-ba labele ransu ho ema neʼebé hasai husi kongregasaun ka sira neʼebé lakohi ona atu sai Testemuña ba Jeová maibé tuir nafatin reuniaun sira.—1Ko 5:11; 2Jo 10.