Zacarias 13:1-9

  • Halakon estátua no profeta falsu sira (1-6)

    • Profeta falsu sira sei sai moe (4-6)

  • Ema sei baku bibi-atan (7-9)

    • Hamoos parte terseiru (9)

13  “Iha loron neʼebá, sei iha bee-posu ida neʼebé loke tiha ba umakain David no ba ema sira neʼebé hela iha Jeruzalein atu hamoos sala no buat foʼer sira.”+  Jeová neʼebé ukun tropa lalehan nian dehan: “Iha loron neʼebá, haʼu sei hamoos tiha estátua* sira-nia naran husi rai neʼe,+ no ema sei la hanoin-hetan tan sira. Haʼu sei hasai tiha profeta falsu sira+ no anju aat nia kbiit.*  Se mane ida fó sai tan profesia, ninia inan-aman rasik sei dehan ba nia: ‘Ó sei mate, tanba ó koʼalia ona lia-bosok hodi Jeová nia naran.’ No ninia inan-aman rasik sei sona borus nia tanba nia fó sai profesia.+  “Iha loron neʼebá, profeta ida-idak sei sai moe tanba ninia vizaun bainhira nia fó sai profesia, no sira sei la hatais roupa profeta nian husi animál fulun+ atu lohi ema.  Sira ida-idak sei dehan: ‘Haʼu laʼós profeta. Haʼu mak toʼos-naʼin, tanba mane ida sosa ona haʼu husi haʼu-nia tempu joven.’  No se ema ruma husu sira ida: ‘Tanbasá mak iha kanek iha ó-nia isin-lolon?’,* nia sei hatán: ‘Haʼu hetan kanek neʼe iha haʼu-nia belun* nia uma.’”   Jeová neʼebé ukun tropa lalehan nian dehan:“Oh surik, hadeer bá hodi kontra haʼu-nia bibi-atan,+ Kontra mane neʼebé mak haʼu-nia belun.Baku bibi-atan,+ no husik bibi-lubun* halai namkari bá;+Haʼu sei foti haʼu-nia liman kontra ema sira neʼebé la iha folin.”   Jeová dehan: “Iha rai tomak,Parte rua husi ema sei mate no lakon mohu tiha.No parte terseiru sei husik hela atu moris.   Haʼu sei lori parte terseiru neʼe liuhusi ahi;Haʼu sei hamoos sira hanesan ema hamoos osan-mutin,No koko sira hanesan ema koko osan-mean.+ Sira sei bolu haʼu-nia naran,No haʼu sei hatán ba sira. Haʼu sei dehan: ‘Sira mak haʼu-nia povu’,+ No sira sei dehan: ‘Jeová mak ami-nia Maromak.’”

Nota-rodapé

Ka “ídolu”. Haree Glosáriu.
Ka “espíritu la moos”. Haree “Ruah” iha Glosáriu.
Orj., “kanek entre ó-nia liman”. Neʼe katak kanek iha hirus-matan ka iha kotuk.
Ka “ema sira neʼebé hadomi haʼu”.
Ka “bibi-malae sira”.