Roma 8:1-39

  • Moris no liberdade liuhusi espíritu (1-11)

  • Espíritu mak fó sasin katak sira mak Maromak nia oan (12-17)

  • Kriasaun hein atu sai livre nuʼudar Maromak nia oan (18-25)

  • ‘Espíritu ajuda ita hodi husu ba Maromak’ (26, 27)

  • Husi uluk kedas Maromak hatene sira neʼebé nia hili (28-30)

  • Manán liuhusi Maromak nia domin (31-39)

8  Tan neʼe, ema sira neʼebé ida deʼit ho Kristu Jesus la hetan tesi-lia nuʼudar ema neʼebé merese mate.  Tanba ukun-fuan espíritu nian fó moris ba imi neʼebé ida deʼit ho Kristu Jesus, no ukun-fuan neʼe halo imi livre ona+ husi ukun-fuan sala no mate nian.  Buat neʼebé Ukun-Fuan labele kumpre+ tanba ema nia isin fraku,+ Maromak kumpre neʼe hodi haruka ninia Oan-Mane+ ho isin hanesan ema*+ atu halakon sala. Iha dalan neʼe mak nia tesi-lia ba sala isin nian,  atu nuneʼe ita bele halo buat loos tuir Ukun-Fuan+ hodi la husik ita-nia hakarak isin nian mak kontrola ita, maibé husik Maromak nia espíritu mak kontrola ita.+  Tanba sira neʼebé moris tuir hakarak isin nian hanoin beibeik kona-ba hakarak isin nian,+ maibé sira neʼebé moris tuir espíritu hanoin beibeik kona-ba buat espíritu nian.+  Tanba hanoin kona-ba hakarak isin nian lori ba mate,+ maibé hanoin kona-ba buat espíritu nian lori ba moris no dame.+  Hanoin kona-ba hakarak isin nian halo ema sai inimigu ho Maromak,+ tanba isin la tuir Maromak nia ukun-fuan. Tuir loloos, isin sei la halo tuir ukun-fuan.  Entaun, ema sira neʼebé halo tuir hakarak isin nian labele halo Maromak kontente.  Maibé se Maromak nia espíritu hela duni ho imi, imi la halo tuir hakarak isin nian, maibé halo tuir espíritu.+ Tanba se ema ida la iha Kristu nia espíritu, ema neʼe laʼós Kristu nian. 10  Maibé se Kristu ida deʼit ho imi,+ maski imi-nia isin mate tanba sala, maibé espíritu fó moris tanba Maromak haree imi nuʼudar ema laran-loos. 11  Entaun, se Maromak nia espíritu neʼebé halo Kristu Jesus moris fali husi mate mak hamutuk ho imi,+ Maromak sei uza ninia espíritu neʼe atu fó moris ba imi-nia isin.+ 12  Entaun maun-alin sira, ita iha obrigasaun, maibé laʼós atu moris tuir hakarak isin nian;+ 13  tanba se imi moris tuir hakarak isin nian, imi sei mate duni; maibé se imi hamate hahalok isin nian+ liuhusi espíritu, imi sei moris.+ 14  Tanba ema hotu neʼebé husik Maromak nia espíritu dirije sira, sira mak Maromak nia oan.+ 15  Tanba Maromak nia espíritu la lori ita atu sai atan no halo ita taʼuk, maibé lori ita atu sai nuʼudar oan-hakiak, no ho espíritu* neʼe mak ita bolu: “Abba,* Aman!”+ 16  Espíritu neʼe rasik fó sasin iha ita-nia laran*+ katak ita mak Maromak nia oan.+ 17  Entaun, se ita mak Maromak nia oan, ita sei simu duni liman-rohan. Maromak sei fó liman-rohan ba ita+ hanesan nia fó ba Kristu, naran katak ita hetan terus hamutuk ho Kristu,+ atu ita mós bele simu glória hamutuk ho nia.+ 18  Tanba haʼu haree katak terus neʼebé ita hasoru agora, la iha folin se kompara ho glória neʼebé Maromak sei hatudu liuhusi ita.+ 19  Tanba kriasaun hotu hein namanas ba tempu neʼebé Maromak sei hatudu sai ninia oan sira.+ 20  Tanba kriasaun sira entrega tiha ona ba moris neʼebé folin-laek,+ laʼós ho sira-nia hakarak rasik, maibé liuhusi Maromak nia hakarak tanba nia fó esperansa 21  katak kriasaun neʼe sei sai livre+ husi atan ba isin neʼebé dodok, no hetan liberdade neʼebé furak nuʼudar Maromak nia oan sira. 22  Tanba ita hatene katak kriasaun hotu kontinua halerik hamutuk no sente moras hamutuk toʼo agora. 23  Laʼós neʼe deʼit, maibé ita neʼebé simu ona Maromak nia espíritu neʼebé hanesan ai-fuan primeiru husi ita-nia liman-rohan, ita mós halerik iha ita-nia laran+ tanba ita hein namanas atu sai oan-hakiak+ no sai livre husi ita-nia isin tanba Kristu sosa fali ita. 24  Ita hetan salvasaun ho esperansa neʼe, maibé esperansa neʼebé bele haree ho matan, neʼe laʼós esperansa, tanba kuandu ema haree ona buat ida, nia sei tau esperansa ba ida-neʼe ka lae? 25  Maibé se ita tau esperansa+ ba buat neʼebé ita la haree,+ ita hein namanas ba ida-neʼe ho pasiénsia.+ 26  Nuneʼe mós, espíritu santu bele ajuda ita iha tempu neʼebé ita fraku.+ Tanba dala ruma ita la hatene atu husu saida iha ita-nia orasaun. Iha tempu neʼe, espíritu santu bele ajuda ita hodi husu ba Maromak maski ita la iha liafuan atu fó sai ita-nia halerik iha laran. 27  Maibé Maromak neʼebé buka-hatene ema hotu nia laran,+ nia hatene buat neʼebé ema hatoʼo liuhusi espíritu. Tanba espíritu santu husu buat neʼebé tuir Maromak nia hakarak ba ema santu* sira-nia diʼak. 28  Ita hatene katak Maromak halo ninia serbisu hotu laʼo ho loloos atu lori diʼak ba sira neʼebé hadomi nia, sira neʼebé nia bolu ona tuir ninia hakarak.+ 29  Tanba husi uluk kedas, nia hatene kona-ba sira neʼebé nia atu hili, no nia deside katak sira sei sai nuʼudar ilas husi ninia Oan-Mane,+ atu nuneʼe ninia Oan neʼe sei sai nuʼudar oan primeiru+ iha ninia alin barak nia leet.+ 30  Liután neʼe, sira neʼebé nia hatene nanis ona atu hili+ mak sira neʼebé nia bolu;+ no sira neʼebé nia bolu mak sira neʼebé nia dehan katak sira ema laran-loos.+ Ikusliu, sira neʼebé nia dehan katak ema laran-loos mak sira neʼebé nia fó ona glória.+ 31  Entaun, saida mak ita sei dehan kona-ba buat sira-neʼe? Se Maromak hamutuk ho ita, sé mak bele kontra ita?+ 32  Nia husik nia Oan-Mane atu hetan terus hodi entrega nia ba mate tanba ita hotu.+ Tan neʼe ita hatene katak Maromak no ninia Oan-Mane mós sei fó ba ita buat seluk hotu ho laran-diʼak, loos ka lae? 33  Sé mak bele foti kazu hasoru sira neʼebé Maromak hili ona?+ Maromak mak fó sai katak sira ema laran-loos.+ 34  Sé mak sei tesi-lia ba sira? La iha ema ida, tanba Kristu Jesus mate ona, maibé laʼós neʼe deʼit, nia mós moris fali ona husi mate no tuur ona iha Maromak nia liman sorin loos,+ no nia harohan ba ita.+ 35  Sé mak sei haketak ita husi Kristu nia domin?+ Terus, laran-susar, ema hanehan, hamlaha, isin-tanan, perigu ka surik bele haketak ita ka lae?+ 36  Hanesan hakerek nanis ona: “Tanba Ita mak ami hasoru perigu mate nian loroloron, ami hanesan bibi-malae neʼebé prontu ona atu oho.”+ 37  Maibé, iha buat sira-neʼe hotu, ami sei manán+ liuhusi nia neʼebé hadomi ami. 38  Tanba haʼu fiar duni katak mate ka moris, anju ka governu sira, buat neʼebé iha agora ka buat neʼebé atu mai ka kbiit,+ 39  aas ka kleʼan, ka kriasaun sira seluk sei labele haketak ita husi Maromak nia domin neʼebé liuhusi ita-nia Naʼi Kristu Jesus.

Nota-rodapé

Orj., “isin neʼebé sala-naʼin”.
Neʼe mak liafuan Ebraiku ka Aramaiku neʼebé signifika “aman”, maibé hatudu relasaun besik hanesan liafuan “apá”.