Oseias 14:1-9

  • Husu povu atu fila fali ba Jeová (1-3)

    • Hasaʼe sakrifísiu hahiʼi nian ho ibun (2)

  • Kura Izraél nia hahalok la laran-metin (4-9)

14  “Oh ema Izraél, fila fali ba Jeová, imi-nia Maromak,+Tanba imi-nia sala halo ona imi sidi.   Fila fali ba Jeová, no dehan ba nia:‘Favór ida, perdua ami-nia sala+ no simu buat neʼebé diʼak husi ami.Ami sei hasaʼe sakrifísiu hahiʼi nian ho ami-nia ibun+ hanesan ami hasaʼe karau-aman* nuʼudar sakrifísiu.   Asíria sei la salva ami.+ Ami sei la saʼe kuda,+No ami sei la temi tan liafuan: “Oh ami-nia Maromak!” ba buat neʼebé ami halo ho ami-nia liman,Tanba Ita-Boot mak hatudu laran-sadiʼa ba oan-kiak sira.’*+   Haʼu sei kura sira husi sira-nia hahalok la laran-metin,+ Haʼu sei hadomi sira ho haʼu-nia hakarak rasik,+Tanba haʼu hadook tiha ona haʼu-nia hirus husi sira.+   Haʼu sei sai hanesan mahobeen ba Izraél.Nia sei buras hanesan ai-funan líriuNo ninia abut sei naruk hanesan ai-hun sira iha Líbanu.   Ninia sanak sira sei sai boot,Ninia furak sei sai hanesan ai-oliveira hun,No ninia morin sei sai hanesan ai sira iha Líbanu.   Sira sei hela fali iha ninia mahon okos. Sira sei kuda fini no sai buras hanesan uvas-hun.+ Ninia naran-boot sei sai hanesan tua-uvas husi Líbanu.   Efraim sei dehan: ‘Haʼu la iha tan ligasaun ho estátua sira.’+ Haʼu sei rona no tau matan ba nia.+ Haʼu sei sai hanesan ai-juníperu hun neʼebé buras. Haʼu mak ida neʼebé sei fó ai-fuan ba nia.”   Sé mak matenek? Husik nia komprende buat sira-neʼe bá. Sé mak iha kbiit atu komprende? Husik nia hatene buat sira-neʼe bá. Tanba Jeová nia dalan sira mak loos,+No ema laran-loos sei laʼo iha dalan sira-neʼe.Maibé ema kontradór sira sei sidi iha dalan sira-neʼe.

Nota-rodapé

Ka “karau-oan neʼebé aman”.
Ka “labarik sira neʼebé la iha aman”.