Miqueias 2:1-13

  • Susar ba sira neʼebé hanehan ema! (1-11)

  • Maromak sei halibur fali Izraél (12, 13)

    • Rai neʼe sei barullu ho ema barak (12)

2  “Susar ba ema sira neʼebé halo planu aat,Sira neʼebé halo planu iha sira-nia kama leten atu halo hahalok aat! Bainhira dadeer ona, sira kumpre sira-nia planu,Tanba sira iha kbiit atu halo ida-neʼe.+   Sira kaan ema nia toʼos no hadau toʼos sira-neʼe.+Sira mós kaan ema nia uma no hadau uma sira-neʼe.Sira lohi atu hadau ema nia uma,+Hodi hadau ema nia liman-rohan.   Tan neʼe, Jeová dehan nuneʼe: ‘Haʼu halo daudaun planu ida atu lori susar ba família neʼe,+ no imi sei labele halai sees husi ida-neʼe.+ Imi sei la laʼo tan ho loko an,+ tanba neʼe mak tempu susar nian.+   Iha tempu neʼebá, ema sei temi lia-dadolin kona-ba imi,No sira sei tanis halerik tanba imi.+ Sira sei dehan: “Ami lakon mohu ona!+ Nia entrega ona haʼu-nia povu nia rai ba ema seluk, sin, ami-nia liman-rohan lakon mohu ona!+ Nia entrega ona ami-nia rai ba nasaun neʼebé la hatudu laran-metin.”   Tan neʼe, la iha ema ida husi Jeová nia kongregasaun* neʼebé sei uza tali sukat nianAtu sukat rai neʼebé fahe ona ba sira.   Sira fó sai, hodi dehan: “Para haklaken!Sira labele haklaken kona-ba buat sira-neʼe.Moe sei la kaer toman ita!”   Oh umakain Jacob, imi rona ema dehan: “Jeová* la iha ona pasiénsia ka? Neʼe mak ninia hahalok sira ka?” Haʼu-nia liafuan lori diʼak ba ema sira neʼebé laʼo ho laran-loos.   Maibé foin lalais neʼe, haʼu-nia povu hamriik nuʼudar inimigu ida. Imi hadau buat murak sira hamutuk ho roupa* iha ema nia oin,Imi hadau neʼe husi ema sira neʼebé laʼo liu ho fiar an hanesan sira neʼebé fila daudaun husi funu.   Imi duni sai feto sira husi sira-nia uma neʼebé furak, feto sira-neʼe mak husi haʼu-nia povu nia leet.Imi foti tiha haʼu-nia bensaun kmanek husi sira-nia oan ba nafatin. 10  Hamriik no laʼo bá, tanba neʼe laʼós fatin atu deskansa. Ema harahun rai neʼe+ tanba rai neʼe la moos.+ 11  Se ema ida laʼo tuir anin no lia-bosok, no fó sai lia-bosok tuirmai neʼe: “Haʼu sei haklaken ba ó kona-ba tua-uvas no tua sira seluk”, Nuneʼe nia sei sai haklaken-naʼin neʼebé halo kontente povu neʼe!+ 12  Oh Jacob, haʼu sei halibur duni imi hotu.Haʼu sei halibur duni Izraél nia ema restu sira.+ Haʼu sei tau sira hamutuk ho unidade, hanesan bibi-malae iha luhan laran,Hanesan bibi-lubun iha rai-luan.+Rai neʼe sei barullu ho ema barak.’+ 13  Ida neʼebé halo kuak didin sei laʼo iha sira-nia oin.Sira sei halo kuak neʼe luan liu no laʼo sai liuhusi portaun.+ Sira-nia liurai sei laʼo liu iha sira-nia oin,Hamutuk ho Jeová iha sira-nia oin.”+

Nota-rodapé

Orj., “Jeová nia espíritu”.
Ka karik “Imi lees buat murak sira husi ema nia roupa”.