Miqueias 1:1-16

  • Tesi-lia hasoru Samaria no Judá (1-16)

    • Sala no hahalok kontra hamosu problema (5)

1  Jeová fó sai liafuan ba Miqueias*+ husi Moreset, iha tempu neʼebé Liurai Jotão,+ Acaz+ no Ezequias+ mak ukun rai-Judá.+ Miqueias simu liafuan tuirmai neʼe kona-ba Samaria no Jeruzalein liuhusi vizaun ida:   “Oh imi povu hotu, rona bá! Oh rai no buat hotu neʼebé iha laran, see tilun didiʼak bá,Jeová iha ninia templu santu.Jeová, Naʼi Ukun-Naʼin Boot Liu, mak sei sai sasin hodi hatudu sai imi-nia sala.+   Jeová sai husi ninia fatin;Nia sei tun mai no sama fatin aas sira iha rai.   Foho sira sei nabeen iha ninia ain okos,+No rai-tetuk sira sei nakferaHanesan lilin* neʼebé tau besik ahi,Hanesan bee neʼebé fakar tun ba rai-lolon neʼebé kleʼan.   Buat hotu neʼe akontese tanba Jacob nia hahalok kontra,Tanba umakain Izraél nia sala sira.+ Sé mak simu sala kona-ba Jacob nia hahalok kontra? Neʼe mak ema Samaria, loos ka lae?+ Sé mak simu sala kona-ba fatin aas* sira iha Judá?+ Neʼe mak ema Jeruzalein, loos ka lae?   Haʼu sei halo sidade Samaria sai fatin neʼebé rahun,No sai fatin atu halo toʼos-uvas;Haʼu sei soe* tun tiha ninia fatuk sira ba foho-leet,No haʼu sei harahun tiha sidade neʼe toʼo ninia hun.   Ninia estátua hotu sei harahun tiha,+No prezente hotu neʼebé nia simu tanba nia faʼan ba ema seluk,* sei sunu tiha.+ Haʼu sei estraga ninia estátua* hotu. Nia halibur prezente sira-neʼe nuʼudar kolen husi ninia hahalok nuʼudar feto-aat;*Prezente sira-neʼe sei uza fali atu selu feto-aat iha fatin seluk.”   Tan neʼe mak haʼu sei tanis no halerik.+Haʼu sei laʼo ho ain-tanan no isin-tanan.+ Haʼu sei tanis hanesan asu-xakál,No haʼu sei hasai lian triste hanesan manu-avestrús.   Tanba Samaria nia kanek labele kura,+No kanek neʼe toʼo ona iha Judá.+ Moras neʼe habelar toʼo haʼu-nia povu nia portaun, toʼo Jeruzalein.+ 10  “Imi keta fó sai kona-ba neʼe iha Gat.Imi labele tanis. Imi duir an bá iha rai-rahun laran iha Bet-Afra.* 11  Oh imi* neʼebé hela iha Safir, sai husi imi-nia rai ho isin-tanan no moe. Ema* neʼebé hela iha Zaanan seidauk sai mai. Ema sei halerik iha Bet-Ezel, no sidade neʼe sei la apoia tan imi. 12  Tanba ema* neʼebé hela iha Marot hein ba buat diʼak,Maibé buat neʼebé aat mak tun husi Jeová ba Jeruzalein nia portaun. 13  Oh imi* neʼebé hela iha Lakis, kesi metin kuda-karreta ba kuda sira.+ Siaun nia oan-feto nia sala mai husi imi.Povu Izraél nia hahalok kontra iha ó-nia* leet.+ 14  Tan neʼe, ó sei fó prezente hodi fó adeus ba Moreset-Gat. Ema husi Akzib+ lohi ona liurai sira husi Izraél. 15  Oh imi* neʼebé hela iha Maresa,+ haʼu sei lori ema ida ba imi+ no nia sei manán imi.* Izraél nia glória sei toʼo iha Adulam.+ 16  Tesi no koi tiha imi-nia fuuk tanba imi-nia oan sira neʼebé imi hadomi. Koi molik imi-nia ulun hanesan manu-makikit,Tanba ema lori ona imi-nia oan sira nuʼudar dadur.”*+

Nota-rodapé

Ninia naran seluk mak Micael ka Micaias. Naran neʼe katak “Sé mak hanesan Jeová?”
Neʼe mak buat neʼebé bani sira halo atu rai bani-been no fasil atu sai nabeen.
Orj., “fakar”.
Ka “No kolen hotu neʼebé nia simu tanba ninia hahalok prostituisaun”.
Ka “ídolu”. Haree Glosáriu.
Ka “hahalok prostituisaun”.
Ka “iha Afra nia uma”.
Orj., “feto”.
Orj., “Feto”.
Orj., “feto”.
Orj., “feto”.
Karik neʼe refere ba Siaun nia oan-feto.
Orj., “feto”.
Ka “atu hadau buat hotu neʼebé imi-nian”.