Jonas 2:1-10

  • Jonas nia orasaun iha ikan nia kabun laran (1-9)

  • Ikan boot muta sai Jonas ba rai maran (10)

2  Nuneʼe Jonas halo orasaun ba Jeová, ninia Maromak, iha ikan nia kabun laran,+  hodi dehan: “Iha haʼu-nia susar laran haʼu bolu Jeová, no nia hatán haʼu.+ Husi rate* laran haʼu halerik hodi husu ajuda.+ Ita-Boot rona haʼu-nia lian.   Bainhira Ita soe haʼu ba tasi kleʼan, ba tasi nia okos,Tasi nia korrente sira haleʼu haʼu.+ Ita-nia laloran boot hotu liu tiha haʼu-nia ulun.+   Haʼu dehan: ‘Ita duni sai ona haʼu husi Ita-nia oin! Oinsá mak haʼu bele haree fali Ita-nia templu neʼebé santu?’   Bee halo mout haʼu* toʼo haʼu besik atu mate,+Bee kleʼan taka tiha haʼu. Duʼut tasi nian falun haʼu-nia ulun.   Haʼu mout toʼo tasi* nia okos. Rate* nia portaun sira atu taka ona haʼu ba nafatin. Maibé Ita foti haʼu husi rai-kuak, oh Jeová, haʼu-nia Maromak.+   Bainhira haʼu-nia iis atu kotu, haʼu hanoin-hetan Jeová.+ Tuirmai haʼu-nia orasaun toʼo ba Ita, no tama ba Ita-nia templu neʼebé santu.+   Ema neʼebé adora estátua* sira neʼebé folin-laek, sira husik ona Ida neʼebé Hun ba domin neʼebé laran-metin.*   Maibé kona-ba haʼu, haʼu sei hasaʼe sakrifísiu ho lian agradese nian. Buat neʼebé haʼu jura, haʼu sei kumpre.+ Salvasaun mai husi Jeová.”+ 10  Ikusmai Jeová haruka ikan neʼe muta sai Jonas ba rai maran.

Nota-rodapé

Orj., “foho sira”.
Orj., “Mundu”.
Ka “ídolu”. Haree Glosáriu.
Ka karik “sira la hatudu tan laran-metin”.