Job 33:1-33

  • Eliú fó konsellu ba Job neʼebé hanoin nia mak loos liu (1-33)

    • Hetan ona buat neʼebé bele sosa fali nia (24)

    • Hetan fali forsa tempu joven nian (25)

33  “Maibé agora, Job, favór ida rona lai haʼu-nia liafuan,See tilun ba buat hotu neʼebé haʼu koʼalia.   Favór ida, rona mai haʼu! Haʼu tenke loke haʼu-nia ibun,Haʼu-nia nanál tenke koʼalia.   Haʼu hatoʼo haʼu-nia liafuan ho laran-loos,+No haʼu fó-hatene buat neʼebé haʼu hatene ho laran-moos.   Maromak nia espíritu* rasik mak halo haʼu moris,+No Ida neʼebé Kbiit Boot Liu Hotu nia iis rasik mak halo haʼu moris.+   Se Ita-Boot bele, hatán mai haʼu,Fó sai Ita-nia hanoin mai haʼu, sai prontu atu defende Ita-nia kazu.   Haʼu ho Ita hanesan deʼit iha Maromak loos nia oin,Maromak mós halo haʼu husi rai-mean.+   Tan neʼe, Ita lalika sai taʼuk demais ba haʼu,No haʼu-nia liafuan todan sei la harahun Ita.   Maibé haʼu rona ona Ita koʼalia,Sin, haʼu rona beibeik liafuan sira tuirmai neʼe:   ‘Haʼu mak laran-moos, la iha sala ida,+Haʼu mak moos, la halo sala ida.+ 10  Maibé Maromak buka razaun oioin hodi kontra haʼu,Nia haree haʼu hanesan ninia inimigu.+ 11  Nia xave metin haʼu-nia ain,*Nia buka-hatene haʼu-nia dalan hotu.’+ 12  Maibé Ita-nia liafuan sira-neʼe mak la loos, tan neʼe haʼu sei hatán ba Ita: Maromak mak boot tebes, boot liu fali ema.+ 13  Tanbasá mak Ita muramura hasoru Maromak?+ Neʼe tanba nia la hatán ba Ita-nia liafuan hotu ka?+ 14  Tuir loloos Maromak koʼalia ba dala ida no ba dala rua,Maibé la iha ema ida mak tau atensaun. 15  Nia koʼalia iha mehi, iha vizaun ida iha kalan,+Bainhira ema toba-dukur loosIha sira-nia toba-fatin. 16  Iha tempu neʼebá mak nia loke sira-nia tilun+No hametin ninia hanorin* iha sira-nia neon, 17  Atu hadook ema ida husi hahalok sala+No atu proteje ema ida husi hahalok foti an.+ 18  Maromak salva ema neʼe nia moris husi rate,*+No proteje ninia moris hodi labele mate ho surik.* 19  Ema ida bele aprende buat ruma bainhira nia sente moras iha ninia toba-fatin,No bainhira nia sente ninia ruin sira moras beibeik. 20  Ninia moras halo nia* hakribi paun,No ai-han neʼebé diʼak mós nia lakohi simu.+ 21  Nia sai krekas loos,Toʼo bele haree ruin deʼit. 22  Nia* besik ona atu tama ba rate,*Nia besik sira neʼebé lori mate ba nia. 23  Se iha atan ida neʼebé lori lia-menon* ba nia,Se iha lia-naʼin ida husi ema naʼin-rihun ida nia leet,Atu fó-hatene ba ema kona-ba buat neʼebé loos, 24  Se nuneʼe, Maromak sei kontente ho nia no dehan:‘Salva nia hodi nia labele tun ba rate!*+ Haʼu hetan ona buat neʼebé bele sosa fali nia!+ 25  Husik ninia isin sai forte* liu fali tempu joven nian,+Husik nia fila fali ba loron sira neʼebé nia sei iha forsa joven nian.’+ 26  Nia sei harohan ba Maromak,+ no Maromak sei simu nia,No nia sei haklalak ho haksolok tanba haree Maromak nia oin,No Maromak sei halo ema neʼe sai ema loos fali iha ninia oin. 27  Ema neʼe sei fó sai* ba ema sira, hodi dehan:‘Haʼu halo ona sala+ no haʼu halo kleʼuk ona buat neʼebé loos,Maibé haʼu la simu buat neʼebé haʼu merese atu simu.* 28  Nia sosa fali haʼu-nia moris hodi haʼu labele tun ba rate,*+No haʼu* sei haree naroman.’ 29  Loos duni, Maromak halo buat sira-neʼe hotuNia halo buat sira-neʼe ba dala rua no dala tolu ba ema ida, 30  Atu lori nia fila fali husi rate,*Hodi nuneʼe naroman moris nian bele leno nia.+ 31  Job, see tilun bá! Rona mai haʼu! Nonook nafatin bá, no haʼu sei kontinua koʼalia. 32  Se Ita iha buat ruma atu hatete, hatán mai haʼu. Koʼalia bá, tanba haʼu hakarak hatudu katak Ita mak loos. 33  Maibé se Ita la iha buat ida atu hatete, Ita tenke rona mai haʼu,Nonook nafatin bá, no haʼu sei hanorin matenek ba Ita.”

Nota-rodapé

Orj., “No tau selus ba ninia hanorin”.
Ka “rai-kuak”.
Ka “ho armas; rama”.
Orj., “ninia moris”.
Ka “Ninia moris”. Haree “Nefes” iha Glosáriu.
Ka “rai-kuak”.
Ka “iha anju ida”.
Ka “rai-kuak”.
Ka “diʼak”.
Orj., “kanta”.
Ka karik “No neʼe la lori diʼak mai haʼu”.
Ka “rai-kuak”.
Orj., “haʼu-nia moris”.
Ka “rai-kuak”.