Job 18:1-21

  • Bildad koʼalia ba dala segundu (1-21)

    • Terus neʼebé kona ema aat (5-20)

    • Job la hatene Maromak (21)

18  Bildad+ ema Suá hatán, hodi dehan:   “Bainhira loos mak ó sei para koʼalia hanesan neʼe? Hatudu kbiit atu komprende bá hodi ami bele koʼalia fali.   Tanbasá mak ó haree ami hanesan animál?+Iha ó-nia matan ami mak hanesan ema beik* ka?   Maski ho hirus ó lees ó-nia an* ba pedasuk,Mundu neʼe sei sai mamuk tan deʼit ó ka?Fatuk sei muda dook husi ninia fatin ka?   Neʼe duni, ema aat nia naroman sei sai nakukun,No ninia ahi neʼebé lakan sei la fó naroman.+   Naroman iha ninia tenda laran sei sai nakukun,No ninia ahi-oan neʼebé iha leten sei mate.   Ninia hakat sira neʼebé forte sei sai neineik,No ninia konsellu rasik sei halo nia monu.+   Tanba ninia ain sei lori nia ba rede,No nia sei laʼo tama ba rede laran.   Lasu sei kaʼit ninia ain-tuban,Lasu sei kaer nia.+ 10  Iha tali ida neʼebé subar ona ba nia iha rai laran,No iha lasu ida neʼebé tau ona iha ninia dalan. 11  Susar oioin husi sorin-sorin halo nia taʼuk+No duni tuir ninia hakat sira. 12  Ninia forsa sai fraku,No dezastre+ sei kona nia toʼo halo nia laʼo nakdoko.* 13  Moras ida neʼebé aat liu* han mohu tiha ninia liman-ain tomak,Neʼe sei han mohu ninia kulit. 14  Sira haketak nia husi ninia tenda neʼebé seguru+No halo nia laʼo ba mate neʼebé aat tebes.* 15  Ema oin-foun mak sei hela iha ninia tenda,Ahi* sei han mohu ninia hela-fatin.+ 16  Ninia abut sira iha okos sei sai maran,No ninia sanak sira iha leten sei sai namlaek. 17  Ema sei haluha tiha nia iha rai,No iha dalan sira, ema sei la hatene ninia naran. 18  Ema sei duni sai nia husi naroman hodi bá nakukun laranNo duni sai nia husi rai neʼebé buras. 19  Nia sei la iha oan no bei-oan sira iha povu nia leet,No la iha ema ida husi nia mak sei moris hela iha fatin neʼebé nia hela.* 20  Bainhira ninia loron toʼo mai, ema husi área Oeste sei hakribiNo ema husi área Leste sei sente taʼuk tebes. 21  Neʼe mak buat neʼebé akontese ba ema aat nia tenda siraNo ba fatin husi ema neʼebé la hatene Maromak.”

Nota-rodapé

Ka karik “ema la moos”.
Ka “laʼo kudeʼik”.
Orj., “Mate nia oan primeiru”.
Ka “ba liurai ida neʼebé halo taʼuk”.
Orj., “Enxofre”. Haree Glosáriu.
Ka “iha ninia hela-fatin temporáriu”.