Job 17:1-16

  • Job kontinua koʼalia (1-16)

    • “Gozadór sira haleʼu haʼu” (2)

    • “Nia halo haʼu sai vítima ba ema nia liafuan” (6)

    • “Rate sei sai haʼu-nia uma” (13)

17  “Haʼu-nia forsa moris nian* rahun ona, haʼu-nia loron sira toʼo ona rohan,Rate mak hein hela haʼu.+   Gozadór sira haleʼu haʼu,+No haʼu-nia matan tenke haree kontradór sira-nia hahalok.   Favór ida, promete mai haʼu katak Ita sei apoia haʼu. Sé tan mak sei kaer liman ho haʼu hodi ajuda haʼu?+   Tanba Ita subar tiha kbiit atu tetu didiʼak husi sira-nia fuan-laran,+Tan neʼe mak Ita la foti aas sira.   Nia prontu atu fahe rikusoin ba ninia kolega sira,Maibé ninia oan sira hamlaha toʼo sira-nia matan haree la moos.   Nia halo haʼu sai vítima ba ema nia liafuan neʼebé hatún haʼu,*+Toʼo sira tafui kabeen ba haʼu-nia oin.+   Haʼu-nia matan sai malahuk tanba laran-susar,+No haʼu-nia isin krekas loos.   Ema laran-loos sira hakfodak haree haʼu sai hanesan neʼe,No ema neʼebé la halo sala sai laran-susar kona-ba ema aat.*   Ema neʼebé laran-loos kaer metin ba ninia dalan,+No ema neʼebé liman moos, ninia forsa aumenta ba beibeik.+ 10  Maibé, imi hotu bele mai no koʼalia buat neʼebé imi hakarak koʼalia,Tanba haʼu seidauk hetan ema matenek ida iha imi-nia leet.+ 11  Haʼu-nia loron sira liu tiha ona,+Haʼu-nia planu, katak haʼu-nia hakarak sira, sai runguranga ona.+ 12  Sira nafatin troka kalan ba loron,Sira dehan: ‘Naroman besik ona’, maibé haʼu haree mak nakukun deʼit. 13  Se haʼu hein, rate* sei sai haʼu-nia uma,+Haʼu sei nahe haʼu-nia toba-fatin iha nakukun laran.+ 14  Haʼu sei bolu rate,*+ hodi dehan: ‘Ita mak haʼu-nia aman!’ Ba ular-oan, haʼu dehan: ‘Ita mak haʼu-nia inan no haʼu-nia feton!’ 15  Nuneʼe, haʼu-nia esperansa iha neʼebé?+ Sé mak bele haree haʼu-nia esperansa? 16  Haʼu-nia esperansa sei tun ba rate* neʼebé ninia portaun sira mak metin,Iha tempu neʼebé ita hotu hamutuk tun ba rai-rahun laran.”+

Nota-rodapé

Orj., “ba sira-nia lia-dadolin”.
Ka “ema neʼebé la laran-metin ba Maromak”.
Ka “rai-kuak”.