Jeremias 6:1-30

  • Ema besik ona ataka Jeruzalein (1-9)

  • Jeová sai hirus ba Jeruzalein (10-21)

    • Ema dehan: “Iha dame!” maski la iha dame (14)

  • Invazaun husi norte (22-26)

  • Jeremias sai hanesan ema neʼebé koko besi (27-30)

6  Oh imi Benjamim nia oan* sira, buka fatin seguru bá, halai sai husi Jeruzalein. Huu dikur bá+ iha Tekoa.+Halakan ahi nuʼudar sinál iha Bet-Hakerem! Tanba dezastre ida mosu husi parte norte, neʼe mak terus boot ida.+   Siaun nia oan-feto* hanesan feto ida neʼebé bonita, mamar no laran-maus.+   Bibi-atan sira no sira-nia bibi-lubun sei mai. Sira sei harii tenda sira haleʼu nia,+No sira ida-idak fó-han ba bibi neʼebé sira hein.+   “Prepara an bá atu funu* hasoru nia! Hamriik bá, no mai ita ataka nia iha meiudia!” “Susar ba ita, tanba loro-matan tun daudaun ona,No lalatak rai-nakaras nian sai naruk daudaun ona!”   “Hamriik bá, mai ita ataka nia iha tempu kalanNo harahun ninia uma aas* sira neʼebé seguru.”+   Tanba Jeová neʼebé ukun tropa lalehan nian dehan nuneʼe: “Tesi tiha ai no ateru rai hodi halo aas atu ataka Jeruzalein.+ Nia mak sidade neʼebé tenke simu kastigu.Sidade neʼe nakonu ho ema neʼebé hanehan malu.+   Hanesan tanke* neʼebé sempre iha bee malirin,*Sidade neʼe mós sai hun ba hahalok aat. Iha sidade neʼe, haʼu rona beibeik ema halo violénsia no halo aat ba malu;+Haʼu haree beibeik moras no susar oioin mosu.   Oh Jeruzalein, rona avizu bá, se lae, haʼu* sei husik ó tanba hakribi ó,+No haʼu sei halo ó sai fatin neʼebé fuik, rai neʼebé la iha ema ida mak hela.”+   Jeová neʼebé ukun tropa lalehan nian dehan nuneʼe: “Sira sei halibur duni ema Izraél restu hanesan kuʼu uvas-fuan restu husi uvas-hun. Lolo fali ó-nia liman hanesan ema neʼebé kuʼu uvas-fuan husi uvas-hun.” 10  “Haʼu tenke koʼalia no fó avizu ba sé? Sé mak sei rona? Sira-nia tilun taka hela,* tan neʼe mak sira labele rona.+ Sira koʼalia aat hasoru Jeová nia liafuan;+Sira la kontente ho liafuan neʼe. 11  Nuneʼe, Jeová nia hirus lakan iha haʼu-nia laran,No haʼu kole ona atu tahan ida-neʼe.”+ “Fakar sai ida-neʼe ba labarik kiʼik neʼebé iha dalan,+No ba grupu mane joven sira neʼebé halibur hamutuk. Ema sei kaer sira hotu, mane hamutuk ho ninia feen,Ema neʼebé katuas ona hamutuk ho sira neʼebé katuas liu ona.+ 12  Sira-nia uma sei sai ema seluk nian,Nuneʼe mós ho sira-nia toʼos no sira-nia feen.+ Tanba haʼu sei foti liman hasoru povu neʼebé hela iha rai neʼe”, Jeová mak dehan. 13  “Tanba husi povu kiʼik toʼo ema-boot, sira ida-idak hakarak manán buat ruma ho laran-makerek.+Husi profeta toʼo amlulik, sira ida-idak lohi hodi hamatak ema.+ 14  No sira koko atu hadiʼa haʼu-nia povu nia situasaun aat* hodi koʼalia ho ibun-midar,* hodi dehan:‘Iha dame! Iha dame!’ Maski tuir loloos la iha dame.+ 15  Sira sente moe ba buat aat oioin neʼebé sira halo ona ka lae? Sira-nia moe la iha duni! Sira mós la hatene moe!+ Tan neʼe, sira sei monu hamutuk ho sira neʼebé monu. Sira sei sidi bainhira haʼu fó kastigu ba sira”, Jeová mak dehan. 16  Jeová dehan nuneʼe: “Hamriik iha kruzamentu no haree bá. Husu toʼok kona-ba dalan sira neʼebé antigu,Husu toʼok dalan ida-neʼebé mak diʼak, no laʼo iha dalan neʼe,+Atu nuneʼe imi bele hetan kmaan.” Maibé sira dehan: “Ami lakohi laʼo iha dalan neʼe.”+ 17  “No haʼu haruka ona guarda sira+ atu dehan:‘Rona didiʼak dikur nia lian bá!’”+ Maibé sira dehan: “Ami lakohi rona.”+ 18  “Tan neʼe, oh nasaun sira, rona bá! Oh povu sira neʼebé halibur hamutuk ona,Hatene bá buat neʼebé sei akontese ba ema iha Jeruzalein. 19  Oh rai, rona bá! Haʼu sei lori terus boot ba povu ida-neʼe+Nuʼudar rezultadu ba sira-nia planu aat.Sira la rona haʼu-nia liafuanNo sira lakohi simu haʼu-nia ukun-fuan.”* 20  “Maski imi lori olíbanu husi SabáNo duʼut-kana morin husi rai dook, maibé neʼe lori buat diʼak saida ba haʼu? Haʼu la simu imi-nia sakrifísiu sunu nian neʼebé hasaʼe tomak,No imi-nia sakrifísiu sira la halo haʼu kontente.”+ 21  Tan neʼe, Jeová dehan nuneʼe: “Agora haʼu tau fatuk sira neʼebé halo povu neʼe sidi,No sira sei sidi duni tanba fatuk sira-neʼe,Aman ho oan sira sei sidi hamutuk,Viziñu ho sira-nia maluk sei sidi hamutuk,No sira hotu sei lakon.”+ 22  Jeová dehan nuneʼe: “Povu ida sei mai husi rai iha parte norte,No nasaun ida neʼebé boot sei hamriik* hodi mai husi rai neʼebé dook liu iha mundu neʼe.+ 23  Sira sei kaer rama no diman. Sira mak siʼak tebes no la iha laran-sadiʼa. Sira-nia lian sei tarutu hanesan tasi,No sira saʼe kuda.+ Oh Siaun nia oan-feto, sira sei forma hodi prontu atu halo funu hanesan asuwaʼin ida hodi kontra ó.” 24  Ami rona ona kona-ba ida-neʼe. Ami-nia liman sai kbiit-laek.+Laran-taridu mak kaer metin ona ami,Ami sente terus* tebes hanesan feto neʼebé atu tuur-ahi.+ 25  Keta sai ba toʼos,Keta laʼo iha dalan,Tanba inimigu lori surik;Fatin hotu nakonu ho taʼuk. 26  Oh haʼu-nia povu nia oan-feto,Hatais hena karón*+ no duir an bá iha ahi-kadesan laran. Tanis hanesan tanis ba oan-mane mesak neʼebé mate, tanis makaʼas bá,+Tanba derrepente deʼit inimigu sei mai harahun ita.+ 27  “Iha haʼu-nia povu nia leet, haʼu halo ó* sai hanesan ema neʼebé koko besi,Tanba ó tenke buka-hatene didiʼak haʼu-nia povu;Ó tenke haree didiʼak no hatene didiʼak sira-nia dalan. 28  Sira hotu mak ema neʼebé ulun-toos tebetebes,+Sira laʼo bá-mai hodi koʼalia aat atu hafoʼer ema seluk nia naran.+ Sira mak hanesan riti no besi;Sira hotu laran-aat tebes. 29  Ema serbisu makaʼas atu hamoos sira hanesan hamoos besi,+ Toʼo buat neʼebé nia uza atu huu lakan ahi sai motuk tiha. Maibé saugati deʼit, besi-makdadi* deʼit mak suli sai husi ahi.Ema aat sira seidauk hasai husi povu nia leet.+ 30  Ema sei bolu sira nuʼudar osan-mutin neʼebé la iha folin,Tanba Jeová la simu ona sira.”+

Nota-rodapé

Orj., “oan-mane”.
“Siaun nia oan-feto” mak liafuan poezia neʼebé baibain refere ba sidade Jeruzalein ka povu neʼebé hela iha Jeruzalein.
Orj., “Halo santu funu”.
Ka “torre”. Haree Glosáriu.
Ka “fresku”.
Orj., “Sira-nia tilun seidauk hetan sirkunsizaun”.
Ka “haʼu-nia povu nia kanek; tohar”.
Ka “kura bosok deʼit”.
Ka “hanorin”.
Ka “hadeer”.
Orj., “moras”.
Neʼe katak Jeremias.