Jeremias 10:1-25

  • Nasaun sira-nia maromak no Maromak neʼebé moris (1-16)

  • Povu sei hetan kastigu no sai dadur (17, 18)

  • Jeremias laran-triste (19-22)

  • Profeta nia orasaun (23-25)

    • Ema la iha kbiit atu hili ninia hakat (23)

10  Oh umakain Izraél, rona ba Jeová nia liafuan neʼebé dehan ona ba imi.  Jeová dehan nuneʼe: “Keta aprende nasaun sira seluk nia hahalok,+No keta sai taʼuk ba sinál sira iha lalehanTanba nasaun sira mak taʼuk buat sira-neʼe.+   Tanba ema sira-neʼe nia lisan mak folin-laek. Sira-nia estátua mak ai-hun deʼit neʼebé tesi tiha ona husi ai-laran,Buat neʼebé badaen halo ho ninia liman hodi uza sabit.*+   Sira hafurak ida-neʼe ho osan-mutin no osan-mean+No prega metin ida-neʼe ho martelu no pregu hodi labele monu.+   Estátua sira labele koʼalia+ hanesan ho boneka duʼut* iha toʼos-pepinu.Ema mak tenke lori sira, tanba sira labele laʼo.+ Keta taʼuk sira, tanba sira labele halo aat ba imi,No sira mós labele halo buat neʼebé diʼak.”+   Oh Jeová, la iha ida mak hanesan Ita-Boot.+ Ita mak boot liu, no Ita-nia naran mak boot liu no kbiit-waʼin.   Oh Liurai ba nasaun sira,+ sé mak sei la hamtaʼuk Ita-Boot? Ita-Boot merese duni ida-neʼe,Tanba husi matenek-naʼin hotu no liurai hotu iha nasaun sira-nia leet,La iha ida mak hanesan Ita-Boot.+   Sira hotu la iha hanoin no beik-teen.+ Hanorin husi ai-hun mak folin-laek.+   Osan-mutin belar husi Tarsis+ no osan-mean husi Ufaz,Badaen sira no badaen-besi nian uza buat sira-neʼe atu falun ai, Sira fó-hatais ai ho roupa husi kabas kór-azúl no kabas kór-violeta husi bibi-malae fulun. Badaen matenek sira mak halo buat hotu neʼe. 10  Maibé Jeová mak Maromak duni. Nia mak Maromak neʼebé moris+ no Liurai rohan-laek.+ Rai sei nakdoko makaʼas tanba ninia hirus,+No la iha nasaun ida mak bele tahan hasoru ninia hirus. 11  * Imi tenke hatete ba sira: “Maromak sira neʼebé la kria lalehan no raiSei lakon mohu husi rai no mós husi lalehan okos.”+ 12  Nia mak Kriadór neʼebé halo mundu ho ninia kbiit,Ida neʼebé hametin rai ho ninia matenek+No Ida neʼebé nahe lalehan hanesan hena ho ninia kbiit atu komprende.+ 13  Bainhira nia hasai lian,Bee iha lalehan sai siʼak,+No nia halo kalohan* sira saʼe husi rai neʼebé dook tebes.+ Nia hamosu rai-lakan ho* udan,No nia lori sai anin husi ninia armazén sira.+ 14  Ema hotu hatudu hahalok beik no la iha koñesimentu. Badaen-besi hotu sei hetan moe tanba estátua neʼebé sira halo,+Tanba sira-nia estátua besi mak falsu,No estátua sira-neʼe la iha forsa moris nian.*+ 15  Estátua hotu neʼebé badaen halo mak folin-laek no merese atu ema hatete aat.+ Bainhira sira-nia loron kastigu nian toʼo mai, sira sei lakon mohu. 16  Maibé Jacob nia Maromak la hanesan ho estátua sira-neʼe,Tanba nia mak Ida neʼebé kria buat hotu-hotu,No Izraél mak Maromak nia ai-tonka; ai-tonka neʼe mak ninia liman-rohan.+ Ninia naran mak Jeová, neʼebé ukun tropa lalehan nian.+ 17  Oh feto neʼebé moris susar tanba inimigu halo serku daudaun,Haloot ó-nia sasán sira husi rai. 18  Tanba Jeová dehan nuneʼe: “Agora haʼu soe* sai ema husi rai neʼe,+No haʼu sei halo sira hetan terus.” 19  Susar ba haʼu tanba haʼu-nia situasaun neʼebé aat!*+ Haʼu-nia kanek kura labele. Haʼu hatete: “Neʼe mak haʼu-nia moras duni, no haʼu tenke tahan ida-neʼe. 20  Ema estraga ona haʼu-nia tenda, ema tesi kotu ona haʼu-nia tenda nia talin hotu.+ Haʼu-nia oan-mane sira husik ona haʼu no sira la iha tan.+ La iha ema ida mak dada ka hasaʼe fali haʼu-nia hena tenda nian. 21  Tanba bibi-atan sira hatudu hahalok beik,+No sira la buka Jeová.+ Tan neʼe mak sira hatudu hahalok la matenek,No sira-nia bibi hotu halai namkari tiha.”+ 22  Rona ba lia-menon ida! Neʼe toʼo mai daudaun! Tarutu makaʼas husi rai iha parte norte,+Atu halo rai-Judá nia sidade sira sai fatin fuik no asu-xakál sira-nia hela-fatin.+ 23  Oh Jeová, haʼu hatene duni katak ema la iha kbiit* atu hili ninia dalan rasik. Ema neʼebé laʼo mós la iha kbiit* atu hili ninia hakat.+ 24  Oh Jeová, korrije haʼu ho Ita-nia justisa,Maibé keta korrije ho hirus,+ hodi nuneʼe Ita la halakon mohu haʼu.+ 25  Fakar sai Ita-nia hirus ba nasaun sira neʼebé lakohi rona Ita+No ba umakain sira neʼebé la bolu Ita-nia naran. Tanba sira han mohu ona Jacob,+Loos, sira han mohu nia toʼo nia besik atu lakon mohu ona,+No sira estraga ona ninia hela-fatin.+

Nota-rodapé

Ka “bahat”.
Neʼe refere ba boneka neʼebé ema tau iha toʼos atu halo taʼuk manu sira.
Iha testu orijinál, ver. 11 neʼe hakerek iha lian Aramaiku.
Ka “bee suar”.
Ka karik “Nia halo odamatan ba”.
Ka “iis”. Haree “Ruah” iha Glosáriu.
Ka “tuda”.
Ka “haʼu-nia kanek; tohar”.
Ka “podér; direitu”.
Ka “podér; direitu”.