Ebreu 9:1-28

  • Serbisu sagradu iha fatin santu iha rai (1-10)

  • Kristu tama ba lalehan ho ninia raan (11-28)

    • Mediadór ba aliansa foun (15)

9  Aliansa uluk nian iha lei oioin kona-ba oinsá atu halaʼo serbisu sagradu no mós iha fatin santu+ iha rai.  Tanba tenda neʼe harii ho parte rua. Parte primeiru iha ahi-oan fatin,+ meza no paun santu;+ no parte neʼe naran Fatin Santu.+  Maibé iha kortina segundu nia kotuk+ iha tenda neʼe iha parte neʼebé naran Fatin Santu Liu Hotu.+  Parte neʼe iha insensu-fatin neʼebé halo husi osan-mean+ no iha Arka Aliansa+ neʼebé taka tomak ho osan-mean,+ no iha arka neʼe nia laran iha buli osan-mean neʼebé enxe ho maná,+ iha Arão nia ai-tonka neʼebé iha tubun no funan,+ no mós iha fatuk-belar+ aliansa nian.  Iha arka neʼe nia leten iha kerubín sira neʼebé kmanek hodi fó mahon ba fatin halo dame nian.*+ Maibé agora laʼós tempu atu esplika informasaun barak kona-ba buat sira-neʼe.  Kuandu buat sira-neʼe harii tiha ona, amlulik sira tama beibeik ba parte primeiru iha tenda santu neʼe hodi halo serbisu sagradu,+  maibé amlulik boot mesak deʼit mak tama ba parte segundu iha tenda neʼe tinan ida dala ida,+ no nia tenke lori animál nia raan+ neʼebé nia hisik hodi hasaʼe ba ninia an+ no ba povu nia sala sira+ neʼebé sira halo la ho neon.  Nuneʼe, espíritu santu hatudu ho klaru katak dalan atu tama ba fatin santu seidauk loke bainhira sei iha hela tenda santu primeiru.+  Tuir loloos, tenda santu neʼe reprezenta tempu agora,+ no ema hasaʼe prezente no sakrifísiu ba Maromak tuir arranju neʼe.+ Maibé, buat sira-neʼe labele halo ema neʼebé halaʼo serbisu sagradu hetan konxiénsia neʼebé moos iha dalan neʼebé perfeitu.+ 10  Buat sira-neʼe mak kona-ba ai-han, hemu no mós kona-ba serimónia atu hamoos ema no sasán oioin.*+ Buat sira-neʼe mak ukun-fuan kona-ba buat isin nian+ no tenke halo tuir toʼo tempu neʼebé deside ona atu halo loos buat hotu. 11  Maibé, bainhira Kristu mai nuʼudar amlulik boot hodi lori buat diʼak sira neʼebé agora akontese ona, nia tama liuhusi tenda santu neʼebé importante no perfeitu liu, neʼebé laʼós ema nia liman mak halo, neʼe katak, laʼós parte ba kriasaun neʼe. 12  Nia tama ba fatin santu, laʼós ho bibi-timur no karau-aman* nia raan, maibé ho ninia raan rasik,+ dala ida deʼit ba nafatin, no nia salva* ita ba nafatin.+ 13  Tanba se bibi-timur no karau-aman nia raan+ no mós hisik ahi-kadesan husi karau-inan ba ema neʼebé foʼer, bele halo sira santu* no hamoos sira-nia isin,+ 14  oinsá tan ho Kristu nia raan, neʼe folin boot liu.+ Liuhusi Maromak nia espíritu neʼebé iha ba nafatin, Kristu hasaʼe ninia an ba Maromak nuʼudar sakrifísiu neʼebé la iha sala ida. Ninia raan hamoos ita-nia konxiénsia husi hahalok neʼebé folin-laek,*+ atu nuneʼe ita bele halaʼo serbisu sagradu ba Maromak neʼebé moris.+ 15  Tan neʼe mak nia sai mediadór* ba aliansa foun,+ atu nuneʼe sira neʼebé Maromak bolu ona bele simu promesa atu hetan liman-rohan neʼebé ba nafatin.+ Sira bele hetan buat sira-neʼe tanba ninia mate, no liuhusi folin neʼebé nia fó atu sosa fali+ sira mak sira sai livre husi sala neʼebé sira halo bainhira sira sei iha aliansa uluk nia okos. 16  Se iha aliansa ida, ema* neʼebé halo aliansa neʼe presiza mate, 17  tanba aliansa ida vale bainhira ema ida mate. Aliansa neʼe la vale durante ema neʼebé halo aliansa neʼe sei moris hela. 18  Tan neʼe, aliansa uluk nian mós vale* liuhusi raan. 19  Tanba bainhira Moisés fó sai tiha ukun-fuan hotu ba povu tomak, nia foti karau-aman no bibi-timur nia raan no kahur hamutuk ho bee, no nia uza kabas kór-mean husi bibi-malae fulun no mós ai-isopu atu hisik ba livru* no mós ba povu tomak, 20  hodi dehan: “Neʼe mak raan aliansa nian neʼebé Maromak haruka imi atu halo tuir.”+ 21  Nia mós hisik raan ba tenda santu no ba sasán hotu neʼebé uza ba serbisu santu.+ 22  Sin, tuir Ukun-Fuan, besik buat hotu hamoos ho raan,+ no se raan la fakar sai, la iha perdua ba sala.+ 23  Buat sira neʼebé hanesan ilas hodi reprezenta+ buat lalehan nian presiza hamoos ho animál nia raan,+ maibé buat lalehan nian presiza sakrifísiu neʼebé diʼak liu. 24  Tanba Kristu la tama ba fatin santu neʼebé ema halo ho liman,+ neʼebé nuʼudar ilas ba buat neʼebé loos,+ maibé nia tama ba lalehan,+ nuneʼe agora nia iha Maromak nia oin tanba ita-nia diʼak.+ 25  Ninia objetivu laʼós atu hasaʼe beibeik ninia an nuʼudar sakrifísiu, hanesan amlulik boot neʼebé tama ba fatin santu tinan-tinan+ hodi lori raan neʼebé laʼós ninian rasik. 26  Se lae karik, nia tenke hetan terus beibeik husi mundu hahú.* Maibé agora nia hatudu ona ninia an dala ida deʼit ba nafatin iha tempu neʼe nia rohan* atu halakon sala liuhusi ninia sakrifísiu rasik.+ 27  Ema ida-idak mate dala ida deʼit ba nafatin, maibé depois neʼe sira ida-idak simu tesi-lia, 28  nuneʼe mós Kristu hasaʼe ninia an nuʼudar sakrifísiu dala ida deʼit ba nafatin atu lori ema barak nia sala.+ No kuandu nia mosu mai ba dala segundu, nia mai laʼós atu hamoos ema nia sala, maibé atu salva ema sira neʼebé buka nia ho laran.+

Nota-rodapé

Ka “ba arka nia matan; ba fatin hamoos sala nian”.
Orj., “batizmu oioin”.
Ka “karau-oan neʼebé aman”.
Orj., “sosa fali”.
Ka “hahalok mate”.
Neʼe katak ema neʼebé ajuda ema naʼin-rua ka grupu rua atu hadame malu fali.
Ka “mediadór”.
Orj., “inaugura”.
Ka “surat-tahan lulun”.
Neʼe refere ba tempu neʼebé Adão no Eva nia oan sira moris.
Ka “sistema sira-neʼe nia rohan”. Neʼe refere ba sistema ema Judeu nian. Haree “Sistema” iha Glosáriu.