Ebreu 7:1-28

  • Melkizedek mak liurai no amlulik neʼebé úniku (1-10)

  • Kristu mak amlulik neʼebé diʼak liu (11-28)

    • Kristu bele salva ema (25)

7  Melkizedek neʼe mak liurai husi Salém, amlulik ba Maromak neʼebé Aas Liu Hotu, nia bá hasoru Abraão bainhira Abraão oho* tiha liurai sira no fila husi funu, no nia haraik bensaun ba Abraão,+  no Abraão fó* porsentu sanulu ba Melkizedek husi rikusoin hotu neʼebé nia foti husi funu. Ninia naran signifika “Liurai hahalok loos nian”, no nia mak liurai husi Salém, neʼe katak “Liurai dame nian”.  Nia la iha aman no inan, no la iha lista kona-ba ninia beiʼala sira-nia naran, no la iha informasaun kona-ba ninia moris no ninia mate, maibé Maromak halo nia hanesan Maromak nia Oan-Mane, tan neʼe nia mak amlulik ba nafatin.+  Haree bá, mane neʼe mak ema importante tebes! Tan razaun neʼe Abraão neʼebé mak família nia ulun, fó porsentu sanulu husi rikusoin diʼak liu hotu neʼebé nia foti husi funu.+  Loloos, tuir Ukun-Fuan, Levi nia oan-mane sira+ neʼebé simu knaar nuʼudar amlulik tenke foti porsentu sanulu husi povu,+ neʼe katak husi sira-nia maun-alin sira, maski sira mak Abraão nia bei-oan.*  Maibé mane neʼe, neʼebé laʼós husi família Levi, nia foti porsentu sanulu husi Abraão no fó bensaun ba Abraão neʼebé simu ona promesa sira.+  Ita labele nega katak ida neʼebé ladún importante simu bensaun husi ida neʼebé importante liu.  Ema Levi neʼebé simu porsentu sanulu, sira sei mate, maibé kona-ba mane ida seluk neʼebé simu ona porsentu sanulu, eskritura fó sasin katak nia moris.+  No ita bele dehan katak Levi neʼebé simu porsentu sanulu, nia mós selu ona porsentu sanulu liuhusi Abraão, 10  tanba nia seidauk moris* bainhira Melkizedek hasoru ninia beiʼala.+ 11  Arranju kona-ba amlulik Levi mak parte ida husi Ukun-Fuan neʼebé fó ona ba povu. Nuneʼe, se amlulik Levi bele halo povu sai perfeitu,+ entaun tanbasá mak presiza amlulik seluk hanesan Melkizedek+ no laʼós hanesan Arão? 12  Tanba arranju amlulik nian troka ona, entaun Ukun-Fuan mós presiza troka.+ 13  Tanba ita koʼalia kona-ba mane ida neʼebé mai husi suku seluk, no la iha mane ida husi suku neʼe neʼebé halo ona knaar iha altár.+ 14  Tanba ita hatene ho klaru katak ita-nia Naʼi mai husi Judá,+ maibé Moisés la koʼalia katak amlulik sira sei mai husi suku neʼe. 15  Ida-neʼe sai klaru liután bainhira amlulik ida seluk mosu mai,+ amlulik neʼebé hanesan ho Melkizedek.+ 16  Nia sai amlulik laʼós tuir ukun-fuan neʼebé depende deʼit ba família,* maibé tanba kbiit neʼebé fó moris ba nia, moris neʼebé labele lakon.+ 17  Tanba eskritura ida sai sasin kona-ba nia, hodi dehan: “Ó mak amlulik ba nafatin hanesan Melkizedek.”+ 18  Entaun, mandamentu uluk nian hasai tiha ona tanba ida-neʼe fraku no la fó benefísiu.+ 19  Tanba Ukun-Fuan labele halo buat hotu sai perfeitu,+ maibé esperansa diʼak liu+ neʼebé Maromak fó ba ita bele halo nuneʼe, no liuhusi neʼe mak ita hakbesik ba Maromak.+ 20  Maromak halo ona juramentu bainhira nia foti Jesus nuʼudar amlulik. 21  Tanba iha duni mane sira neʼebé sai ona amlulik maski Maromak la halo juramentu, maibé ema neʼe sai amlulik liuhusi juramentu ida husi Maromak neʼebé dehan ba nia: “Jeová* jura ona, no nia sei la troka ninia hanoin:* ‘Ó mak amlulik ba nafatin’”,+ 22  Jesus sai ona garantia ba aliansa neʼebé diʼak liu.+ 23  Liután neʼe, ema barak sai amlulik tuituir malu+ tanba mate hanetik sira atu kontinua serbí nuʼudar amlulik, 24  maibé tanba nia kontinua moris nafatin,+ la iha ema ida mak sei troka fali ninia knaar nuʼudar amlulik. 25  Tan neʼe mak nia bele halo kompletu serbisu atu salva ema sira neʼebé hakbesik ba Maromak liuhusi nia, tanba nia moris nafatin hodi harohan kona-ba sira.+ 26  Tuir loloos, diʼak duni ba ita atu iha amlulik boot hanesan neʼe neʼebé laran-metin, laran-moos, la iha foʼer ida,+ la hanesan ho sala-naʼin sira no iha pozisaun aas liu fali lalehan.*+ 27  Nia la hanesan ho amlulik boot sira seluk, nia la presiza hasaʼe sakrifísiu loroloron,+ ulukliu ba ninia sala rasik no tuirmai ba povu sira,+ tanba nia halo nuneʼe dala ida deʼit ba nafatin bainhira nia hasaʼe ninia an rasik nuʼudar sakrifísiu.+ 28  Tanba tuir Ukun-Fuan, mane sira neʼebé iha fraku mak hetan knaar atu sai amlulik,+ maibé liutiha Ukun-Fuan, tuir liafuan husi juramentu+ mak Oan-Mane, neʼebé sai perfeitu ona+ ba nafatin, simu knaar nuʼudar amlulik.

Nota-rodapé

Ka “manán”.
Orj., “fahe”.
Orj., “sira sai husi Abraão nia knotak”.
Orj., “nia sei iha hela ninia beiʼala nia knotak”.
Orj., “isin”.
Haree Ap. A5.
Ka “la sente triste”.
Neʼe refere ba ema nia governu sira.