Ebreu 3:1-19

  • Jesus boot liu fali Moisés (1-6)

    • Maromak mak harii buat hotu (4)

  • Avizu kona-ba la iha fiar (7-19)

    • “Se ohin loron imi rona ba ninia lian” (7, 15)

3  Tan neʼe, maun-alin santu sira, neʼebé Maromak bolu ona* atu bá lalehan,+ hanoin didiʼak kona-ba Jesus; nia mak apóstolu no amlulik boot neʼebé ita rekoñese.*+  Nia laran-metin ba Maromak neʼebé hili ona nia,+ hanesan Moisés mós laran-metin iha Maromak nia umakain tomak.+  Jesus merese simu glória neʼebé boot liu+ fali Moisés nian, tanba ida neʼebé harii uma hetan respeitu boot liu fali uma neʼe.  Tuir loloos, ema mak harii uma ida-idak, maibé Maromak mak harii buat hotu.  Moisés serbí ho laran-metin nuʼudar atan iha Maromak nia umakain tomak, no ninia serbisu mak hanesan símbolu* ba buat neʼebé sei fó sai iha futuru,  maibé Kristu hatudu ona laran-metin nuʼudar oan-mane+ hodi tau matan ba Maromak nia umakain. Ita mak Maromak nia umakain,+ naran katak ita koʼalia nafatin ho aten-brani* no kaer metin ba ita-nia esperansa toʼo rohan no ita sente orgullu ho esperansa neʼe.  Tan neʼe, hanesan espíritu santu dehan:+ “Se ohin loron imi rona ba ninia lian,  imi keta sai ulun-toos* hanesan iha tempu neʼebé imi-nia beiʼala sira provoka haʼu atu sai hirus tebes, hanesan tempu neʼebé sira koko haʼu iha rai-fuik.+  Iha neʼebá imi-nia beiʼala sira haree ona haʼu-nia hahalok sira ba tinan 40, maski nuneʼe sira koko haʼu.+ 10  Tan neʼe mak haʼu hakribi jerasaun neʼe no dehan: ‘Sira-nia laran sempre dook husi haʼu, no sira la hatene haʼu-nia dalan sira.’ 11  Tan neʼe, ho hirus haʼu jura hodi dehan: ‘Sira sei la tama iha haʼu-nia fatin deskansa nian.’”+ 12  Maun-alin sira, kuidadu bá atu imi labele haburas laran-aat no la iha fiar tanba hadook an husi Maromak neʼebé moris.+ 13  Maibé kontinua fó aten-brani ba malu loroloron durante ita sei moris iha tempu neʼebé bolu nuʼudar “ohin loron”,+ atu nuneʼe imi labele sai ulun-toos tanba sala nia kbiit atu lohi imi. 14  Tanba tuir loloos se ita kaer metin ba ita-nia fiar husi uluk toʼo rohan, ita sei simu buat neʼebé Kristu simu ona.*+ 15  Hanesan hatete nanis ona: “Se ohin loron imi rona ba ninia lian, imi keta sai ulun-toos* hanesan iha tempu neʼebé imi-nia beiʼala sira provoka haʼu atu sai hirus tebes.”+ 16  Sé mak rona ona maibé provoka nia atu sai hirus tebes? Tuir loloos, sira mak ema hotu neʼebé Moisés lori sai husi rai-Ejitu, loos ka lae?+ 17  Liután neʼe, sé mak Maromak hakribi ba tinan 40?+ Sira mak ema neʼebé halo sala, no sira mate iha rai-fuik, loos ka lae?+ 18  No ba sé mak nia jura katak sira sei la tama iha ninia fatin deskansa nian? Sira mak ema neʼebé la halo tuir nia, loos ka lae? 19  Entaun ita hatene katak sira labele tama tanba sira la iha fiar.+

Nota-rodapé

Ka “neʼebé simu ona konvite”.
Ka “ita fó sai katak ita fiar”.
Ka “sasin; testemuña”.
Ka “ita nafatin koʼalia nakloke”.
Orj., “laran-toos”.
Ka “hola parte hamutuk ho Kristu”.
Orj., “laran-toos”.