Provérbios 7:1-27

  • Hafolin Maromak nia mandamentu sira no kontinua moris (1-5)

  • Mane joven neʼebé la iha esperiénsia monu ba lasu (6-27)

    • “Hanesan karau-aman neʼebé lori bá atu oho” (22)

7  Haʼu-nia oan,* halo tuir haʼu-nia liafuan,No hafolin* haʼu-nia mandamentu sira.+   Halo tuir haʼu-nia mandamentu sira atu ó bele moris;+Proteje haʼu-nia hanorin* hanesan proteje ó-nia matan-fuan.   Kesi buat sira-neʼe iha ó-nia liman-fuan;Hakerek buat sira-neʼe iha ó-nia fuan-laran.+   Hatete ba matenek: “Ó mak haʼu-nia feton”, No bolu kbiit atu komprende nuʼudar “haʼu-nia família”,   Atu buat sira-neʼe bele proteje ó husi feto neʼebé halo hahalok aat,*+Husi feto neʼebé la iha morál* no husi ninia liafuan midar sira.+   Husi janela iha haʼu-nia uma,Sin, liuhusi haʼu-nia janela mak haʼu hateke tun,   No nuʼudar haʼu hateke ba ema sira neʼebé la iha esperiénsia,Haʼu haree iha joven sira-nia leet iha mane joven ida neʼebé beik.*+   Nia laʼo besik feto neʼe nia dalan sikun,Nia laʼo iha dalan atu bá feto neʼe nia uma   Iha rai-nakaras, iha nakukun,+Besik kalan ona no rai nakukun. 10  Tuirmai haʼu haree feto ida hasoru nia,Hatais hanesan feto-aat,*+ no laran-aat. 11  Feto neʼe ibun-boot no ulun-toos.+ Nia nunka hela hakmatek iha uma. 12  Lakleur nia hamriik iha liʼur, tuirmai nia iha sidade nia fatin públiku,Nia hamriik iha dalan sikun hotu.+ 13  Nia kaer metin no reʼi mane neʼe;Ho fiar an, nia dehan ba mane neʼe: 14  “Ohin haʼu hasaʼe sakrifísiu dame nian.+ No haʼu kumpre ona haʼu-nia juramentu. 15  Tan neʼe mak haʼu sai mai atu hasoru ó,Haʼu buka ó no hetan duni ó! 16  Haʼu nahe ona hena diʼak iha haʼu-nia kama leten,Hena-liñu kór oioin husi rai-Ejitu.+ 17  Haʼu kari ona buat morin oioin hanesan mirra,* ai-aloés no ai-kanela iha haʼu-nia kama.+ 18  Mai, mai ita goza domin toʼo dadeer;Mai ita fó ksolok ba malu ho domin neʼe, 19  Tanba haʼu-nia laʼen sai hela;Nia bá tiha fatin dook. 20  Nia lori osan bornál ida,No nia sei la fila fali toʼo loron neʼebé fulan-nakonu.” 21  Feto neʼe lohi nia ho ninia matenek atu dada mane.+ Feto neʼe halo nia monu ho liafuan midar. 22  Lakleur deʼit nia laʼo tuir kedas feto neʼe, hanesan karau-aman neʼebé lori bá atu oho,Hanesan ema beik neʼebé atu hetan kastigu hodi xave metin ninia ain,*+ 23  Ikusmai rama ida sona borus ninia aten;Hanesan manu ida halai lalais atu tama ba lasu, nia la hatene katak nia sei lakon ninia moris.*+ 24  Agora, haʼu-nia oan-mane sira, rona mai haʼu;Tau atensaun ba liafuan sira neʼebé haʼu koʼalia. 25  Keta laran-monu hodi laʼo tuir feto neʼe nia dalan sira. Keta laʼo sala hodi tama ba ninia dalan,+ 26  Tanba feto neʼe halo ona ema barak mate,+No nia oho ona ema barak tebes.+ 27  Ninia uma lori ema ba rate;*Ninia uma lori ema tama ba kuartu mate nian neʼebé nakukun.

Nota-rodapé

Orj., “oan-mane”.
Ka “rai didiʼak”.
Ka “lei”.
Orj., “feto neʼebé ó la koñese”. Haree nota iha Prv 2:16.
Orj., “feto estranjeiru”. Haree nota iha Prv 2:16.
Orj., “neʼebé la iha laran”.
Ka “Hatais roupa prostituta nian”.