Provérbios 5:1-23

  • Kuidadu ho feto neʼebé la iha morál (1-14)

  • Haksolok bá ho ó-nia feen (15-23)

5  Haʼu-nia oan-mane, tau atensaun ba haʼu-nia matenek. See tilun didiʼak ba haʼu-nia hanorin kona-ba matenek,*+   Atu nuneʼe ó bele proteje ó-nia kbiit atu hanoinNo ó bele koʼalia nafatin tuir koñesimentu.+   Tanba feto neʼebé halo hahalok aat* koʼalia liafuan neʼebé midar hanesan bani-been,+No namdoras liu fali mina.+   Maibé ikusmai nia sai hanesan ai-tahan neʼebé moruk+No kroʼat hanesan surik ho kroʼat rua.+   Ninia ain laʼo tun ba mate. Ninia hakat sira lori kedas ba rate.*   Nia nunka hanoin kona-ba dalan moris nian. Nia lakon dalan, no nia la hatene atu laʼo bá neʼebé.   Agora, haʼu-nia oan-mane sira, rona mai haʼuNo keta fila kotuk ba buat neʼebé haʼu dehan.   Hadook an tiha husi feto neʼe;Keta hakbesik ninia uma nia odamatan,+   Atu nuneʼe ó la lakon ó-nia naran diʼak*+No la hetan susar iha tinan sira neʼebé sei mai;+ 10  Atu nuneʼe ema oin-foun labele aproveita ó-nia rikusoin*+No buat neʼebé ó hetan tanba ó-nia hakaʼas an labele muda fali ba ema estranjeiru nia uma. 11  Se lae, ó sei halerik bainhira ó besik ona atu mate,Bainhira ó-nia kbiit no ó-nia isin sai fraku ona+ 12  No ó sei dehan: “Tanbasá mak uluk haʼu odi dixiplina?* Tanbasá mak haʼu la simu bainhira hetan korrije? 13  Haʼu la rona ba haʼu-nia mestre sira-nia liafuanNo la tau atensaun ba haʼu-nia mestre sira. 14  Haʼu monu ba sala toʼo besik lakon mohuIha kongregasaun* tomak nia oin.”+ 15  Hemu bee husi ó-nia tanke rasikNo hemu bee* husi ó-nia bee-posu rasik.+ 16  Keta husik ó-nia bee rasik suli sai ba liʼur,No keta husik ó-nia bee rasik suli iha sidade nia fatin públiku.+ 17  Bee sira-neʼe mak ba ó deʼit,Laʼós ba ema oin-foun.+ 18  Haʼu hein katak ó-nia bee-matan rasik sei simu bensaunNo ó sei haksolok ho ó-nia feen husi ó-nia tempu joven,+ 19  Nia hanesan bibi-rusa inan neʼebé maus, bibi-timur* oan neʼebé furak.+ Husik ninia susun fó ksolok* ba ó iha tempu hotu. Kontinua laran-monu ba nia tan ninia domin.+ 20  Entaun, haʼu-nia oan-mane, tanbasá mak ó tenke laran-monu ba feto neʼebé halo hahalok aat,*No tanbasá mak ó hakoʼak feto neʼebé la iha morál?*+ 21  Tanba Jeová nia matan hateke ba ema nia dalan sira;Nia haree didiʼak sira-nia hakat hotu.+ 22  Ema aat nia sala rasik mak sai lasu ba sira,No sira-nia sala rasik sei sai hanesan tali neʼebé kesi metin sira.+ 23  Sira sei mate tanba lakohi simu dixiplinaNo sira sei laʼo sala dalan tanba sira beik loos.

Nota-rodapé

Ka “haʼu-nia kbiit atu tetu didiʼak”.
Orj., “feto neʼebé ó la koñese”. Haree nota iha Prv 2:16.
Ka “dignidade”.
Ka “kbiit”.
Ka “hanorin; treinu”.
Ka “bee fresku”.
Ka “bibi-íbex”.
Ka “ninia susun halo ó lanu”.
Orj., “feto neʼebé ó la koñese”. Haree nota iha Prv 2:16.
Orj., “feto estranjeiru”. Haree nota iha Prv 2:16.