Provérbios 4:1-27

  • Aman nia konsellu neʼebé matenek (1-27)

    • Hetan matenek bá, tanba matenek importante liu (7)

    • Hadook an husi ema aat sira-nia dalan (14, 15)

    • Ema laran-loos nia dalan sai naroman liután (18)

    • “Proteje bá ó-nia laran” (23)

4  Haʼu-nia oan* sira, rona ba imi-nia aman nia dixiplina;*+Tau atensaun didiʼak atu nuneʼe imi bele hetan kbiit atu komprende,   Tanba haʼu sei hanorin buat diʼak ba imi;Keta fila kotuk ba haʼu-nia hanorin.*+   Haʼu mak oan-mane neʼebé laran-metin ba haʼu-nia aman+No oan neʼebé haʼu-nia inan hadomi tebes.+   Haʼu-nia aman hanorin haʼu no dehan: “Kaer metin ba haʼu-nia liafuan sira ho ó-nia laran tomak.+ Halo tuir haʼu-nia mandamentu bá no kontinua moris.+   Hetan matenek bá, hetan kbiit atu komprende.+ Keta haluha no keta laʼo sees husi buat neʼebé haʼu dehan.   Keta fila kotuk ba matenek, no nia sei proteje ó. Hadomi nia, no nia sei tau matan ba ó.   Hetan matenek bá, tanba matenek mak buat neʼebé importante liu,+No hamutuk ho buat hotu neʼebé ó hetan, hetan kbiit atu komprende bá.+   Hafolin tebes matenek bá, no nia sei hiʼit aas ó.+ Nia sei hahiʼi ó tanba ó kaer metin ba nia.+   Nia sei tau koroa ai-funan iha ó-nia ulun;Nia sei hafurak ó ho koroa furak ida.” 10  Haʼu-nia oan, rona bá, no simu haʼu-nia liafuan,No ó sei moris ba tinan barak.+ 11  Haʼu sei hanorin ó atu laʼo iha dalan matenek nian;+Haʼu sei dirije ó atu laʼo iha dalan hahalok loos nian.+ 12  Kuandu ó laʼo, la iha buat ida mak sei hanetik ó-nia hakat sira;No se ó halai, ó sei la sidi. 13  Kaer metin ba dixiplina; keta husik nia.+ Proteje nia, tanba nia mak ó-nia moris.+ 14  Keta tama ba ema aat sira-nia dalan,No keta laʼo iha ema laran-aat sira-nia dalan.+ 15  Hadook an husi dalan neʼe, no keta laʼo tuir dalan neʼe;+Sees husi dalan neʼe, no laʼo dook husi dalan neʼe.+ 16  Tanba sira labele toba se sira seidauk halo buat neʼebé aat. No sira mós toba la dukur se sira seidauk halo aat ba ema ida. 17  Sira han paun hahalok aat nian,No sira hemu tua-uvas violénsia nian. 18  Maibé ema laran-loos sira-nia dalan mak hanesan naroman dadeer nianNeʼebé sai naroman liután toʼo loron fahe ba rua.+ 19  Ema aat sira-nia dalan mak hanesan nakukun;Sira la hatene saida mak halo sira sidi. 20  Haʼu-nia oan, tau atensaun ba buat neʼebé haʼu dehan;See tilun didiʼak ba haʼu-nia liafuan sira. 21  Kontinua hateke ba buat sira-neʼe;Rai didiʼak iha ó-nia fuan-laran,+ 22  Tanba buat sira-neʼe mak lori moris ba ema neʼebé hetan sira+No lori saúde diʼak ba sira-nia isin tomak. 23  Proteje bá ó-nia laran, neʼe mak buat importante liu hotu neʼebé ó tenke proteje,+Tanba ó-nia moris depende ba ó-nia laran.* 24  Hasees an husi liafuan bobar oioin,+No hadook an husi lia-bosok oioin. 25  Ó-nia matan tenke hateke deʼit ba oin,Sin, ó tenke hateke loos deʼit ba oin.+ 26  Halo tetuk* dalan ba ó-nia ain,+No ó-nia hakat hotu sei metin. 27  Keta laʼo sees ba liman-loos ka liman-karuk.+ Hadook ó-nia ain husi buat neʼebé aat.

Nota-rodapé

Orj., “oan-mane”.
Ka “hanorin; treinu”.
Ka “lei”.
Ka “Tanba moris mai husi ó-nia laran”.
Ka karik “Hanoin didiʼak”.