Provérbios 31:1-31

  • LIURAI LEMUEL NIA LIAFUAN (1-31)

    • Sé mak bele hetan feen neʼebé diʼak? (10)

    • Serbisu makaʼas no badinas (17)

    • Laran-diʼak mak iha ninia nanál (26)

    • Ninia oan sira no laʼen gaba nia (28)

    • Furak no bonita ba tempu badak deʼit (30)

31  Tuirmai neʼe mak Liurai Lemuel nia liafuan. Liafuan importante neʼebé ninia inan mak hanorin ba nia:+   Oh haʼu-nia oan,* saida mak haʼu tenke hatete ba ó?Oh haʼu-nia oan neʼebé sai husi haʼu-nia knotak, saida mak haʼu sei hatete?Oh oan husi haʼu-nia juramentu,+ saida mak haʼu sei hatete?   Keta husik feto sira halakon ó-nia forsa,+No keta laʼo iha dalan neʼebé lori liurai sira atu lakon mohu.+   Liurai sira labele hemu tua, oh Lemuel,Liurai sira labele hemu tua-uvasNo ukun-naʼin sira labele dehan: “Haʼu-nia tua iha neʼebé?”+   Sira labele hemu, atu nuneʼe la haluha lei neʼebé fó sai tiha onaNo la haluha kona-ba ema kiʼik nia direitu.   Fó tua ba ema neʼebé besik ona atu mate+No fó tua-uvas ba ema neʼebé laran-triste tebes.+   Husik sira hemu no haluha tiha sira-nia kiak,No la hanoin-hetan tan sira-nia susar.   Ó tenke koʼalia hodi defende sira neʼebé labele defende an;No ó tenke defende direitu husi ema hotu neʼebé atu mate ona.+   Koʼalia sai no tesi-lia tuir justisa;Defende ema kiʼik no ema kiak sira-nia direitu.*+ א [Alef] 10  Sé mak bele hetan feen neʼebé diʼak?*+ Nia folin-boot liu fali korál.* ב [Bet] 11  Ninia laʼen tau fiar ba nia ho laran tomak,No ninia laʼen la falta buat ida. ג [Gimel] 12  Durante ninia moris tomakNia fó buat diʼak ba nia laʼen, laʼós buat neʼebé aat. ד [Dalet] 13  Nia hetan bibi-malae fulun no hena-liñu,Nia kontente atu halo serbisu ho ninia liman.+ ה [Hei] 14  Nia hanesan negósiu-naʼin nia ró sira,+Nia lori ai-han husi fatin dook. ו [Vau] 15  Nia mós hadeer sedu maski rai sei nakukun hela,Nia prepara ai-han ba ninia umakainNo fahe hahán ba ninia atan-feto sira.+ ז [Zain] 16  Nia hanoin didiʼak kona-ba toʼos ida no sosa ida-neʼe;Nia serbisu makaʼas hodi kuda uvas iha ninia toʼos.* ח [Hetes] 17  Nia halo prontu ninia an atu halo serbisu makaʼas,*+Ninia liman kaer serbisu ho badinas. ט [Tet] 18  Nia haree katak nia manán osan husi ninia negósiu;Ninia ahi-oan nunka mate iha kalan. י [Iod] 19  Ninia liman kaer ai* atu dulas kabas-rahun,No ninia liman tiʼi kabas ho ai.*+ כ [Kaf] 20  Nia lolo liman atu ajuda ema kiʼik sira,Nia loke ninia liman ba ema kiak sira.+ ל [Lamed] 21  Nia la hanoin demais kona-ba ninia umakain bainhira jelu-rahun tun,Tanba ninia umakain tomak iha ona hena mahar* hodi hamanas an. מ [Mem] 22  Nia suku rasik ninia hena kama nian. Ninia roupa halo husi hena-liñu no husi kabas kór-violeta husi bibi-malae fulun. נ [Nun] 23  Ema barak koñese ninia laʼen iha sidade nia portaun,+Iha neʼebá mak ninia laʼen tuur hamutuk ho katuas sira husi rai neʼe. ס [Samek] 24  Nia halo roupa* husi hena-liñu hodi faʼanNo nia faʼan sintu ba negósiu-naʼin sira. ע [Ain] 25  Nia hatais forsa no kmanek hanesan ninia roupa,No nia hateke ba futuru ho fiar an.* פ [Pei] 26  Nia loke ibun hodi fó sai matenek;+Ukun-fuan laran-diʼak nian mak iha ninia nanál.* צ [Sade] 27  Nia tau matan didiʼak ba serbisu hotu iha ninia uma-laran,No nia la han ai-han baruk-teen nian.+ ק [Kof] 28  Ninia oan sira hamriik no dehan sai katak nia kontente;Ninia laʼen hamriik no gaba nia. ר [Reix] 29  Iha feto barak neʼebé matenek,*Maibé ó diʼak liu fali sira hotu. ש [Xin] 30  Furak bele sai falsu, no bonita bele ba tempu badak deʼit,*+Maibé feto neʼebé hamtaʼuk Jeová mak sei simu hahiʼi.+ ת [Tau] 31  Fó kolen ba nia tanba buat neʼebé nia halo ona,+No ninia serbisu sei lori hahiʼi ba nia iha sidade nia portaun.+

Nota-rodapé

Orj., “oan-mane”.
Ka “kazu”.
Ka “matenek”.
Ka “Ho osan neʼebé nia manán, nia kuda uvas iha ninia toʼos”.
Orj., “Nia kesi ninia knotak ho kbiit”.
Ka “roka”.
Ka “kida”.
Orj., “dalas rua”.
Ka “faru laran”.
Ka “nia hamnasa kona-ba futuru”.
Ka “Ninia nanál hanorin ho domin”.
Ka “diʼak”.
Ka “saugati deʼit”.