Provérbios 29:1-27

  • Labarik neʼebé la hetan dixiplina sei lori moe (15)

  • Kuandu la iha vizaun, povu sei sai runguranga (18)

  • Ema hirusdór hamosu istori malu (22)

  • Ema haraik an sei hetan glória (23)

  • Taʼuk ba ema mak hanesan lasu ida (25)

29  Ema neʼebé nafatin ulun-toos* maski hetan ona korrije dala barak,+Nia sei rahun derrepente deʼit no labele hadiʼa fali.+   Kuandu ema laran-loos sai barak, povu sei haksolok,Maibé kuandu ema laran-aat mak ukun, povu sei halerik.+   Ema neʼebé hadomi matenek sei halo ninia aman kontente,+Maibé ema neʼebé ransu beibeik ho feto-aat* sira sei halakon deʼit ninia rikusoin.+   Ho justisa mak liurai ida lori dame ba ninia rai,+Maibé ema neʼebé simu prezente subasubar hodi bobar lia-loos sei harahun ninia rai.   Ema neʼebé gaba ninia maluk ho liafuan midarTau rede ba ninia maluk nia ain.+   Ema aat nia hahalok sala mak sai lasu ida ba sira,+Maibé ema laran-loos haklalak ho haksolok no sente kontente.+   Ema laran-loos hanoin kona-ba ema kiak+ nia direitu tuir lei,Maibé ema aat la hanoin kona-ba buat sira-neʼe.+   Ema neʼebé gaba an halo sidade tomak sai hirus makaʼas,+Maibé ema neʼebé matenek hatún hirus.+   Kuandu ema matenek istori malu ho ema beik,Sei hamosu hakilar makaʼas no hatún malu, maibé la iha rezultadu diʼak ida.+ 10  Ema neʼebé ohodór odi ema neʼebé la halo sala,+No sira buka atu oho ema laran-loos sira.* 11  Ema neʼebé beik fakar sai ninia sentimentu* hotu,+Maibé ema neʼebé matenek kontrola ninia sentimentu no kalma nafatin.+ 12  Kuandu ukun-naʼin ida rona ba lia-bosok,Ninia atan hotu sei sai ema aat.+ 13  Ema kiak no sira neʼebé haterus ema mak hanesan deʼit: Jeová mak fó naroman ba sira-nia matan.* 14  Kuandu liurai ida tesi-lia ba ema kiak ho loloos,+Ninia kadunan sei metin nafatin.+ 15  Rota* no korrije mak lori matenek,+Maibé labarik neʼebé la hetan dixiplina sei hamoe ninia inan. 16  Kuandu ema aat aumenta, hahalok sala mós aumenta,Maibé ema laran-loos sei haree bainhira sira monu.+ 17  Fó dixiplina ba* ó-nia oan* no nia sei halo ó-nia moris hakmatek;No nia sei fó ksolok boot ba ó.+ 18  Kuandu la iha vizaun,* povu sei sai runguranga,+Maibé ksolok ba sira neʼebé halo tuir ukun-fuan.+ 19  Atan ida lakohi simu korrije ho liafuan deʼit,Tanba maski nia komprende, nia la halo tuir.+ 20  Ó haree ona ema neʼebé ansi atu koʼalia ka lae?+ Ema beik iha esperansa boot liu fali nia.+ 21  Se ema ida estima liu ninia atan husi tempu joven kedas,Ikusmai atan neʼe sei la hatene fó agradese. 22  Ema neʼebé hirusdór hamosu istori malu;+Ema neʼebé sempre sai hirus lalais sei halo sala barak.+ 23  Ema ida nia hahalok loko an sei hatún nia,+Maibé sira neʼebé haraik an iha laran* sei hetan glória.+ 24  Ema neʼebé sai belun ho naʼok-teen sira odi ninia an rasik. Nia rona ema bolu atu fó sasin,* maibé nia la fó sai buat ida.+ 25  Taʼuk* ba ema mak hanesan lasu ida,*+Maibé ema neʼebé tau fiar ba Jeová sei hetan protesaun.+ 26  Ema barak buka atu hamriik iha ukun-naʼin nia oin,*Maibé husi Jeová deʼit mak ema bele hetan justisa.+ 27  Ema laran-loos hakribi ema laran-aat,+Maibé ema aat hakribi ema neʼebé iha hahalok loos.+

Nota-rodapé

Orj., “neʼebé halo ninia kakorok toos”.
Ka “prostituta”.
Ka karik “Maibé ema laran-loos buka atu proteje ninia moris rasik”.
Neʼe katak nia mak fó moris ba sira.
Ka “Dixiplina; Kastigu”.
Ka “Hanorin; Treinu”.
Orj., “oan-mane”.
Ka “profeta nia vizaun; revelasaun”.
Ka “ema nia juramentu neʼebé inklui malisan”.
Ka “Nakdedar”.
Ka “hanesan tau lasu ida”.
Ka karik “buka atu ukun-naʼin simu sira”.