Provérbios 28:1-28

  • Maromak hakribi orasaun husi ema neʼebé lakohi rona ba lei (9)

  • Ema neʼebé fó sai ninia sala sei hetan laran-sadiʼa (13)

  • Ema neʼebé ansi atu sai riku sei halo sala (20)

  • Ema neʼebé korrije mak diʼak liu fali ema neʼebé gaba (23)

  • Ema laran-luak sei la falta buat ida (27)

28  Ema aat halai maski ema ida la duni sira,Maibé ema laran-loos fiar an hanesan leaun.*+   Kuandu ema iha rai ida kontra lei,* ninia ulun-naʼin sira sei troka beibeik,+Maibé ulun-naʼin ida* sei ukun ba tempu naruk+ se hetan ajuda husi ema neʼebé matenek* no iha koñesimentu.   Ema kiak neʼebé lohi hodi hamatak ema kiʼik sira+Mak hanesan udan boot neʼebé lori lakon ai-han hotu.   Ema neʼebé kontra lei gaba ema aat sira,Maibé ema neʼebé halo tuir lei sei sai hirus ba sira.+   Ema aat sira labele komprende buat neʼebé loos,*Maibé ema sira neʼebé buka Jeová bele komprende buat hotu.+   Ema kiak neʼebé laʼo ho laran-metin*Mak diʼak liu fali ema riku neʼebé halo hahalok aat.+   Oan* neʼebé iha kbiit atu komprende halo tuir lei sira,Maibé ema neʼebé sai belun ho ema kaan-teen* hamoe ninia aman.+   Ema neʼebé aumenta ninia rikusoin hodi fó-empresta atu hetan osan-funan+ no manán osan ho laran-makerek,Nia halibur rikusoin neʼe ba ema neʼebé hatudu laran-diʼak ba ema kiak.+   Ema neʼebé lakohi rona ba lei sira,Maromak sei hakribi mós ninia orasaun.+ 10  Ema neʼebé tau lasu ba ema laran-loos atu halo hahalok aat sei monu ba ninia lasu rasik,+Maibé ema neʼebé moris ho hahalok loos sei simu buat diʼak nuʼudar liman-rohan.+ 11  Ema riku hanoin katak ninia an mak matenek,+Maibé ema kiak neʼebé matenek* bele haree nia mak ema hanesan saida.+ 12  Kuandu ema laran-loos manán, neʼe mak buat furak loos,Maibé povu sei halai subar kuandu ema aat hetan podér.+ 13  Ema neʼebé subar ninia sala sira sei la hetan susesu,+Maibé ema neʼebé fó sai no husik tiha ninia sala sei hetan laran-sadiʼa.+ 14  Ksolok ba ema neʼebé matan-moris nafatin,*Maibé ema neʼebé hatoos ninia laran sei monu ba susar.+ 15  Ukun-naʼin aat neʼebé hanehan nia povu kiʼik siraMak hanesan leaun neʼebé hasai lian no ursu neʼebé siʼak.+ 16  Ukun-naʼin neʼebé la hatene tetu didiʼak sei uza sala ninia podér,+Maibé ema neʼebé lakohi manán buat ruma ho laran-makerek sei hanaruk ninia moris.+ 17  Ohodór neʼebé fakar ema* nia raan sei kontinua halai toʼo nia tama ba rate.*+ Ema ida mós labele apoia nia. 18  Ema neʼebé moris ho hahalok loos sei hetan salvasaun,+Maibé ema neʼebé halo hahalok aat sei monu derrepente deʼit.+ 19  Ema neʼebé halo toʼos sei hetan ai-han barak,Maibé ema neʼebé halo deʼit buat neʼebé la iha folin sei sai kiak loos.+ 20  Ema neʼebé laran-metin sei simu bensaun barak,+Maibé ema neʼebé ansi atu sai riku sei halo sala.+ 21  La diʼak atu hatudu hahalok todan ba sorin,+Maibé ema ida bele halo hahalok sala tan deʼit hakarak paun rohan ida. 22  Ema neʼebé kaan-teen* hakarak tebes rikusoin,Maibé nia la hatene katak kiak sei kaer toman nia. 23  Ikusmai ema ida sei hatudu agradese liu+ ba sira neʼebé korrije nia+Duké ba sira neʼebé gaba nia ho liafuan midar deʼit. 24  Ema neʼebé naʼok husi ninia inan-aman no dehan: “Neʼe la sala”,+ Mak belun ho ema neʼebé halo aat.+ 25  Ema neʼebé kaan-teen* hamosu istori malu,Maibé ema neʼebé sadere ba Jeová sei moris diʼak.*+ 26  Ema neʼebé tau fiar ba ninia laran rasik mak beik,+Maibé ema neʼebé laʼo ho matenek sei hetan salvasaun.+ 27  Ema neʼebé fó ajuda ba ema kiak sei la falta buat ida,+Maibé ema neʼebé taka matan deʼit ba ema kiak sei hetan malisan barak. 28  Ema sei halai subar kuandu ema aat sira hetan ona kbiit,Maibé kuandu ema aat sira lakon mohu tiha, ema loos sei sai barak.+

Nota-rodapé

Ka “leaun-oan”.
Ka “halo sala”.
Orj., “Maibé nia”.
Ka “hatene tetu didiʼak”.
Ka “justisa”.
Ka “integridade”.
Orj., “Oan-mane”.
Ka “belun ho ema neʼebé han ho kaan-teen”.
Ka “hatene tetu didiʼak”.
Ka “ema neʼebé sempre hamtaʼuk Maromak”.
Ka “rai-kuak”.
Ka “laran-moras”.
Ka karik “Ema foti an”.
Orj., “sei sai bokur”.